ကျောင်းဖောင်ဒေးရှင်း

Dulwich College International သည် Dulwich International Schools Foundation (DISF) ဟု ခေါ်ဆိုသော လူမှုရေးဖောင်ဒေးရှင်းတစ်ခုကို တည်ထောင်ခဲ့ပြီး ပညာရေးအား လူတိုင်း လက်လှမ်းမီနိုင်ခွင့်ရှိရေးဆိုသည့် သဘောတရားအပေါ်တွင် အခြေတည်ထားခြင်းဖြစ်သည်။ DISF သည် Dulwich College International မိသားစုဝင် ကျောင်းများအား စုစည်းထားခြင်းဖြစ်ပြီး ၄င်းတို့ လူမှုအသိုက်အဝန်းများမှ ရေရှည်စီမံကိန်းများ၌ ပါဝင်ဆောင်ရွက်နိုင်စေရန် DISF မှ လုပ်ဆောင်ပေးပါသည်။ ၎င်းသည် မိမိကိုယ်ပိုင် လှူဒါန်းရေး ပဏာမလုပ်ငန်းစဉ်များအတွက် သာမက နိုင်ငံတကာကျောင်းများ၏ အလှူအတန်း လုပ်ငန်းများကိုလည်း ပံ့ပိုးပေးသည့် ပင်မအဖွဲ့အစည်းအနေဖြင့် ဆောင်ရွက်ပေးပါသည်။ ဤ ဖောင်ဒေးရှင်းကို မြန်မာနိုင်ငံ၌ ယခုနှစ်နှောင်းပိုင်းတွင် UK Charities Commission ၏ ခွင့်ပြုချက်ဖြင့် တည်ထောင်မည်ဖြစ်ပြီး ၎င်း၏ ပထမဦးဆုံး ပဏာမလုပ်ငန်းစဉ်ကို စတင် အကောင်အထည်ဖော်လျက်ရှိပြီဖြစ်သည်။

Dulwich College Yangon သည် Magic Bus နှင့် မိတ်ဖက်အဖြစ် ပူးပေါင်းပြီးဖြစ်ကာ မြန်မာနိုင်ငံတွင် Magic Bus ကို စတင်အကောင်အထည်ဖော်နိုင်ရန်အတွက် Dulwich International Schools Foundation (DISF) မှ ပံ့ပိုးပေးထားပါသည်။ Magic Bus သည် အိန္ဒိယနိုင်ငံရှိ သက်တမ်းရင့် လူမှုရေးအဖွဲ့အစည်းတစ်ခုဖြစ်သည်။ ၎င်းသည် စီးပွားရေး၊ လူမှုရေးအရ ချို့တဲ့သောကလေးငယ်များအား ပံ့ပိုးပေးသော အဖွဲ့အစည်းတစ်ခု ဖြစ်ပါသည်။ ဆင်းရဲချို့တဲ့သော ကလေးငယ်များအနေဖြင့် ဆင်းရဲမှုမှ မိမိတို့ဘာသာ ရုန်းထွက်လွတ်မြောက်လာနိုင်စေရန် လိုအပ်သော အခွင့်အလမ်းများနှင့် အရည်အသွေးများကို လှုပ်ရှားဆောင်ရွက်မှု အခြေခံသော သင်ရိုးညွှန်းတမ်းအား အသုံးပြု၍ အဖွဲ့အစည်းမှ ပျိုးထောင်ပေးပါသည်။ Magic Bus သည် အိန္ဒိယနိုင်ငံတစ်ဝန်းရှိ ပြည်နယ်ပေါင်း ၂၂ ခုမှ ကလေးသူငယ်ပေါင်း (၃၆၀, ၀၀၀)၊ လူငယ်ပေါင်း (၈,၅၀၀) တို့အတွက် ဆောင်ရွက်ပေးလျက်ရှိသည်။ Magic Bus သည် အင်္ဂလန်နိုင်ငံတွင် စမ်းသပ်အစီအစဉ် တစ်ခုကို မကြာခင်က စတင်ပြုလုပ်ခဲ့ပါသည်။ ၎င်း၏ ဆန်းသစ်တီထွင်မှုရှိသော သင်ကြားမှုပုံစံအသုံးပြုခြင်းအပြင် ကလေးသူငယ်များနှင့် အံဝင်ခွင်ကျဖြစ်စေမည့် ဒီဇိုင်းရေးဆွဲထားသော လှုပ်ရှားဆောင်ရွက်မှု အခြေပြု သင်ရိုးညွှန်းတမ်းတို့ကြောင့် ၎င်းကို မေလတွင် Asian Voice Charity Awards အခမ်းအနား၌ Charity of the Year ဟု အမည်ပေးခံခဲ့ရပါသည်။

Magic Bus သည်  Dulwich International Schools Foundation မှ ကနဦး ထည့်ဝင်လှူဒါန်းငွေ အမေရိကန် ဒေါ်လာ ၄၀၀,၀၀၀ ဖြင့် ၂ နှစ်ကြာ ပရောဂျက်တစ်ခုကို မြန်မာနိုင်ငံတွင် စတင်ပြုလုပ်လျက်ရှိသည်။ စဉ်ဆက်မပြတ် အားထုတ်ကြိုးပမ်းမှုဖြင့် Magic Bus နှင့် DISF တို့သည် မြန်မာနိုင်ငံရှိ ဒေသတွင်း လူမှုရပ်ဝန်းအား သိသာထင်ရှားသော ကွဲပြားခြားနားမှုများ ရရှိလာအောင် ပြုလုပ်ပေးရန် ရည်ရွယ်ပြီး ဆင်းရဲမွဲတေမှု လျော့နည်းပပျောက်စေရန် ကြိုးပမ်းဆောင်ရွက်ပေးသွားမည် ဖြစ်သည်။