နောက်သို့

Dulwich International High School ဆရာများ သချာင်္ဖတ်စာအုပ်ထုတ်ဝေ

Dulwich International High School ၏ ဆရာနှစ်ယောက်ဖြစ်သည့် Lee Mckelvey နှင့် Martin Crozierတို့ အတူတကွရေးသားသည့် စက်တင်ဘာလတွင်ထုတ်ဝေသော နောက်ဆက်တွဲ သချာင်္ဖတ်စာအုပ်သည် အောက်တိုဘာလလယ် တ၀ိုက်တွင် တရုတ်ပြည်၌၀ယ်ယူရရှိနိုင်မည်ဖြစ်သည်။ ကမ္ဘာပေါ်တွင် အကောင်းဆုံးနှင့် အလေးစား အခံအရဆုံးသော သင်ကြားရေးဆိုင်ရာများထုတ်ဝေသူများအနက် တစ်ခုအပါအ၀င်ဖြစ်သည့် ကိန်းဘရစ်ခ်ျ တက္ကသိုလ် ပုံနှိပ်တိုက်မှနေ၍ ၄င်းတို့၏စာအုပ်အား ထုတ်ဝေခံရခြင်းသည် ဆရာနှစ်ဦးစလုံးအတွက် အလွန်အထင်ကြီးလေးစားဖွယ်ကောင်းသော ပြီးမြောက်အောင်မြင်မှု ဖြစ်သည်။

ဤစာအုပ်၏ထူးခြားချက်သည် သင်ရိုးမာတိကာမှာ နှစ်ပေါင်း ၂၀ခန့်သက်တမ်းရှိနေခြင်းဖြစ်သည်။ သို့သော်ငြား ၄င်းအတွက် စိတ်အာရုံနှစ်မြုပ်ပြီး ကိုယ်ပိုင်ဖွဲ့စည်းထားသည့် စာအုပ်ကို ပထမဆုံးအကြိမ် ရေးသားထားခြင်းဖြစ်သည်။

Z2o1d7LZ116TyhrYxt4qMzwLSIJRrprUIrEto799

စူးကျိုးရှိ Dulwich International High School ၏ သချာင်္ဌာနမှူး Mr Crozier မှပြောကြားခဲ့သည်မှာ “အခြားထုတ်ဝေသူများသည် သင်တန်းကို ကဏ္ဍခွဲလေးခုပိုင်းပြီး တစ်ခုစီအတွက် သီးသန့်စာအုပ်များ ထုတ်ဝေနကြခြင်းသည် မတူညီကွဲပြားသော အရေးအသားပုံစံများနှင့် စာရေးဆရာအမြောက်အမြား ပိုမိုထွက်ပေါ်လာစေပါသည်။ ယင်းတို့နှင့်မတူဘဲ ကျွန်ုပ်တို့၏စာအုပ်သည် အလုံးစုံ ကိုယ်ပိုင်ဖွဲ့စည်းထားခြင်းဖြစ်ပြီး ပုံစံအားဖြင့်လည်း ကျိုးကြောင်းဆီလျော်မှုရှိပါသည်။ ဤသည်တို့မှာ ပင်မအားဖြင့် ကျွန်ုပ်တို့၏ နီးကပ်သောအလုပ်ဆက်ဆံရေးကြောင့်ဖြစ်သည်။ အခြားဖတ်စာအုပ်များစွာနှင့်မတူဘဲ ကျွန်ုပ်တို့၏စာအုပ်သည် စာသင်ခန်းအထဲတွင် နေ့စဉ်အခြေခံကျကျ သင်နေဆဲဖြစ်သော ဆရာများ၏ပုံစံနှင့် အညီဖြစ်သည်။” ဟူ၍ဖြစ်သည်။

Mr Mckelvey နှင့် Mr Crozier တို့သည် ၄င်းတို့၏စာသင်ခန်းအတွေ့အကြုံများအားဖြင့် တရုတ်လူမျိုးကျောင်းသားများကိုရည်ရွယ်သော ဖတ်စာအုပ်တစ်အုပ်၏ လိုအပ်ချက်ကိုလည်း အနှိုင်းမဲ့နားလည်ကြပါသည်။ ဆရာနှစ်ဦးစလုံးသည် တရုတ်ပြည်တွင်နေပြီး အလုပ်လည်းလုပ်ကြသူများ ဖြစ်ကြသည့်အလျောက် အသုံးပြုသည့် ဘာသာစကားသည် သိသိသာသာရှင်းလင်းပြီး ပထမဘာသာစကားမှာ အင်္ဂလိပ်စကားမဟုတ်သူများအတွက် ရေးဆွဲထားခြင်းဖြစ်ပါသည်။ ဤစာအုပ်သည် မူလတွင် Mr Mckelvey၏ စိတ်ကူးစိတ်သန်း ဖြစ်သော်လည်း  Mr Crozier သည် ဤစီမံကိန်း ပြီးစီးအောင် ၄င်း၏စာရင်းအင်းဆိုင်ရာကျယ်ပြန့်သော ဗဟုသုတနှင့်အတူ ပါဝင်ကူညီဆောင်ရွက်ပေးခဲ့ပါသည်။

jA1Un3F8Xz3uLX1ZfFa3fXAC3Py1GX3ED624ik3e

ဤဖတ်စာအုပ်သည် သီးသန့်စာအုပ်လေးအုပ်မဟုတ်ဘဲ တစ်အုပ်တည်းဖြစ်နေသောကြောင့် ၄င်းသည် တရုတ်ပြည်တွင် အလွန်လူကြိုက်များပြီး ကျယ်ကျယ်ပြန့်ပြန့်အသုံးပြုကြမည်ဟု Martinမှ ယုံကြည်ခဲ့ပါသည်။ ဤအချက်သည် စာအုပ်ကုန်ကျစရိတ်ကို လျှော့ချပေးမည်ဟု မဆိုလိုပါ။ Martin မှ ဆက်လက်ပြောကြားသည်မှာ “ကျွန်ုပ်တို့သည် သချာင်္ပညာရေးကို စိတ်အားထက်သန်ပြီး နောက်မျိုးဆက်အား သချာင်္ကို နားလည်မှုမှန်မှန်ကန်ကန်ဖြင့် သင့်တော်စွာ အသုံးပြုနည်းကို နားလည်စေချင်ပါသည်။ Dulwich College International ရှိ ကျွန်ုပ်တို့၏အတွေးအခေါ်သည် ကျောင်းသားများအားစာမေးပွဲအောင်ရုံသက်သက်မဟုတ်ဘဲ ၄င်းတို့၏ ဘဝအတွက် ယေဘုယျကျကျပြင်ဆင်ပေးနေပါသည်” ဟူ၍ဖြစ်သည်။

ဆရာနှစ်ဦးစလုံးသည် ၄င်းတို့၏ ပထမဆုံးစာအုပ်ကို ကမ္ဘာတဝန်းရှိကျောင်းသားများမှ အသုံးပြုလျက်ရှိသည်ကို မြင်ရသည့်အတွက် အလွန်စိတ်လှုပ်ရှားလျက်ရှိပါသည်။ ယခုအခါ ၄င်းတို့သည် နောက်ထပ်စာရေးမည့်စီမံကိန်းဖြစ်သည့် စာအုပ် ၁၄အုပ်ပါသည့် Edexcel Pearson International A Level အတွဲအသစ်ဖြင့် အလုပ်ရှုပ်နေလျက်ရှိပါသည်။ ဤကဲ့သို့ အံ့သြဖွယ်ရာကောင်းသည့်ဆရာများအား ၄င်းတို့၏စာအုပ်များ ခမ်းခမ်းနားနား အောင်မြင် ပါစေကြောင်း ဆုမွန်ကောင်းတောင်းပေးကြပါစို့။