Dulwich College International Group (“ကျွန်ုပ်တို့”၊ “ကျွန်တော်တို့” သို့မဟုတ် “Dulwich”) သည် လူကြီးမင်း၏ ကိုယ်ရေးလုံခြုံမှုအတွက်  အထူးအလေးပေး ဆောင်ရွက်ပါသည်။ ကျွန်ုပ်တို့ သည် ပညာသင်ကြားပို့ချပေးသူများ ဖြစ်သည့်အားလျော်စွာ ယုံကြည်မှု၏ အရေးပါပုံကို ကောင်းစွာ သိရှိနားလည်ပါသည်။ လူကြီးမင်းအနေဖြင့် ဝက်ဆိုဒ်မှ တစ်ဆင့် ကျွန်ုပ်တို့ထံသို့  ပေးအပ်သည့် ကိုယ် ရေးအချက်အလက်များ (အောက်တွင် အဓိပ္ပါယ်ဖွင့်ဆိုထားသည့်အတိုင်း) ကို ကျွန်ုပ်တို့ မည်သို့ မည်ပုံ ကောက်ယူခြင်း၊ စီမံဆောင်ရွက်ခြင်း၊ အသုံးပြုခြင်း၊ သိမ်းဆည်းခြင်း၊ မျှဝေခြင်း၊ လွှဲပြောင်းခြင်း နှင့် အခြားနည်းလမ်း တစ်ရပ်ရပ်ဖြင့် ထုတ်ဖော်ပြောကြားခြင်းတို့ကို လူကြီးမင်း အနေဖြင့် သိရှိနားလည် စေရန် ဤ “ကိုယ်ရေးလုံခြုံမှုဆိုင်ရာမူဝါဒ” ကို ကျွန်ုပ်တို့ ဖန်တီးခဲ့ခြင်းဖြစ်ပါသည်။

ဤ “ကိုယ်ရေးလုံခြုံမှုဆိုင်ရာမူဝါဒ” သည် Dulwich College International (www.dulwich.org) ၏ တရားဝင် ဝက်ဆိုဒ် (“ဝက်ဆိုဒ် အသီးသီး”) နှင့် Dulwich College International ၏ ကျောင်း ခွဲများ (“Dulwich ၏ ကျောင်းများ”) နှင့် လည်းသက်ဆိုင်ပါသည်။ ကျွန်ုပ်တို့၏ ဝန်ဆောင်မှုများကို အသုံးမပြုမီ ဤ “ကိုယ်ရေးလုံခြုံမှုဆိုင်ရာမူဝါဒ” ကိုသေချာစွာဖတ်ရှုပါ။ “ဤ ကိုယ်ရေးလုံခြုံမှုဆိုင် ရာမူဝါဒ ကိုဖတ်ရှုပြီး သဘောတူညီပါသည်။” ကို နှိပ်လိုက်ခြင်း နှင့်/သို့မဟုတ် အင်တာနက် မှ တစ်ဆင့် ပုံစံများ ဖြည့်စွက်တင်သွင်းခြင်း နှင့် လျှောက်ထားမှုဆိုင်ရာ အချက်အလက်များ ပေးအပ် ခြင်းစသဖြင့် ဝက်ဆိုဒ်ကို အသုံးပြုခြင်း နှင့် ဝက်ဆိုဒ်၏ ဆောင်ရွက်ချက်များကို အသုံးပြုခြင်းအား ဖြင့် လူကြီးမင်း သည် ဤ “ကိုယ်ရေးလုံခြုံမှုဆိုင်ရာမူဝါဒ” ပါ စည်းကမ်းချက်များကို အပြည့်အဝ နားလည်း သဘောပေါက်၍ သဘောတူညီကြောင်း နှင့် ဤ “ကိုယ်ရေးလုံခြုံမှုဆိုင်ရာမူဝါဒ” ၏ မူဘောင်အတွင်း ကျွန်ုပ်တို့ထံသို့ပေးအပ်သည့် လူကြီးမင်း၏ ကိုယ်ရေးအချက်အလက်များ ကို ကျွန်ုပ်တို့ အနေဖြင့် ကောက်ယူခြင်း၊ စီမံဆောင်ရွက်ခြင်း၊ အသုံးပြုခြင်း၊ သိမ်းဆည်းခြင်း၊ မျှဝေခြင်း၊ လွှဲပြောင်းခြင်း နှင့် အခြားနည်းဖြင့် ထုတ်ဖော်ခြင်း တို့အပေါ် သဘောတူခွင့်ပြုကြောင်း ဖော်ပြခြင်း ပင်ဖြစ်သည်။ အကယ်၍ ဤ “ကိုယ်ရေးလုံခြုံမှုဆိုင်ရာမူဝါဒ” တွင်ပါဝင်သည့် စည်းကမ်းချက်များ ကို လူကြီးမင်း အနေဖြင့် သဘောမတူညီနိုင်ပါက ကျေးဇူးပြု၍ ဝက်ဆိုဒ်ကို ဆက်လက်၍ အသုံးမပြုပါ နှင့်။

လူကြီးမင်းအနေဖြင့် ဝက်ဆိုဒ်ကို အသုံးပြုခြင်း၊ ဝက်ဆိုဒ်မှ တစ်ဆင့် ကိုယ်ရေးအချက်အလက်များကို တောင်းဆိုထားသည့်အတိုင်း တင်သွင်းခြင်း နှင့် “ကိုယ်ရေးလုံခြုံမှုဆိုင်ရာမူဝါဒ” ၏ မူဘောင်အတွင်း ကျွန်ုပ်တို့ထံသို့ပေးအပ်သည့် လူကြီးမင်း၏ ကိုယ်ရေးအချက်အလက်များကို ကျွန်ုပ်တို့အနေဖြင့် ကောက်ယူခြင်း၊ စီမံဆောင်ရွက်ခြင်း၊ အသုံးပြုခြင်း၊ သိမ်းဆည်းခြင်း၊ မျှဝေခြင်း၊ လွှဲပြောင်းခြင်း နှင့် အခြားနည်းဖြင့် ထုတ်ဖော်ခြင်းတို့အား ခွင့်ပြုပေးခြင်း တို့အတွက် လူကြီးမင်းထံတွင် ပြည်သူတစ် ဦးအနေဖြင့် တရားဝင် အပြည့်အဝ ဆောင်ရွက်နိုင်စွမ်း နှင့် အခွင့်အာဏာရှိကြောင်း ကျေးဇူးပြု၍ သေချာပါစေ။ လူကြီးမင်းတွင် ပြည်သူတစ်ဦးအနေဖြင့် ထိုသို့တရားဝင် အပြည့်အဝ ဆောင်ရွက်ပိုင် ခွင့် သို့မဟုတ် အခွင့်အာဏာ မရှိပါက ကျေးဇူးပြု၍ ဝက်ဆိုဒ်ကို ဆက်လက်၍ အသုံးမပြုပါနှင့်။

ကျေးဇူးပြု၍ သိရှိမှတ်သားထားရမည်မှာ ဤ “ကိုယ်ရေးလုံခြုံမှုဆိုင်ရာမူဝါဒ” ကို အခါအားလျော်စွာ ပြောင်းလဲပြင်ဆင်မှုများပြုလုပ်နိုင်၍ ဝက်ဆိုဒ်ပေါ်တွင် တင်ထားပေးမည်ဖြစ်သည်။ အဆိုပါ ပြောင်း လဲပြင်ဆင်မှုများ အတည်မဖြစ်မီ ဝက်ဆိုဒ်မှ တစ်ဆင့်ကြေညာချက်များ သို့မဟုတ် အခြားသော သင့်တော်သည့် နည်းလမ်းများဖြင့် အဆိုပါပြောင်းလဲပြင်ဆင်မှုများကို လူကြီးမင်း ထံသို့ကျွန်ုပ်တို့က သတိပေးအကြောင်းကြားပေးမည်ဖြစ်သည်။ ပြောင်းလဲပြင်ဆင်လိုက်သည့် “ကိုယ်ရေးလုံခြုံမှုဆိုင်ရာ မူဝါဒ” သည် ယခင်မူဝါဒ အဟောင်းအပေါ် အစားထိုးလိုက်မည်ဖြစ်ပြီး၊ အဆိုပါ ပြင်ဆင်လိုက်သည့် “ကိုယ်ရေးလုံခြုံမှုဆိုင်ရာမူဝါဒ” ၌သတ်မှတ်ပြဌာန်းထားသည့် နေ့ရက်တွင်တရားဝင် စတင်အသက် ဝင် မည်ဖြစ်သည်။ လူကြီးမင်း၏ သဘောတူခွင့်ပြုချက်မရှိပဲ ဤ “ကိုယ်ရေးလုံခြုံမှုဆိုင်ရာမူဝါဒ” ရှိ လူကြီးမင်း ၏အခွင့်အရေးများကို လျော့ချခြင်းပြုလုပ်မည်မဟုတ်ပါ။ အကယ်၍ လူကြီးမင်း သည် ပြင်ဆင်လိုက်သည့် စည်းကမ်းချက်များကို သဘောတူညီမှုမရှိပါက ပြင်ဆင်လိုက်သည့် “ကိုယ်ရေး လုံခြုံမှုဆိုင်ရာမူဝါဒ” အတည်မဖြစ်မီ၍ ဝက်ဆိုဒ်ကို ဆက်လက်၍ အသုံးမပြုပါနှင့်။

ကိုယ်ရေးအချက်အလက်များ အကာအကွယ်ပေးခြင်း

အားလုံးသော ကိုယ်ရေးအချက်အလက်များကို တင်းကြပ်စွာ လျှို့ဝှက်ထိန်းသိမ်းထားရှိဆောင်ရွက်ရ မည်ဖြစ်ပြီး၊ သက်ဆိုင်ရာ ဥပဒေများ၊ စည်းမျဉ်းများ နှင့် အညီ စီမံဆောင်ရွက်ရမည်ဖြစ်သည်။

ကျွန်ုပ်တို့သည် ကိုယ်ရေးအချက်အလက်များ ကို အကာအကွယ်ပေးရန် လက်ရှိနည်းပညာနှင့် အညီ သက်ဆိုင်ရာ လုံခြုံရေးအစီအမံများ နှင့် သင့်တော်သည့် လုံခြုံရေးဆိုင်ရာ အာမခံချက်တစ်ရပ် ပေး အပ်မည်ဖြစ်သည်။ ကျွန်ုပ်တို့သည် ကိုယ်ရေးအချက်အလက်များကို တရားမဝင် ဝင်ရောက်ရယူမှု၊ ထုတ်ဖော်ပြောကြားမှု၊ အသုံးပြုမှု၊ ဖျက်ဆီးမှု၊ ပျောက်ဆုံးမှု နှင့်  ထုတ်ဖော်မှု တို့မှကာကွယ်တား ဆီးပေးရန် ကြိုးပမ်းဆောင်ရွက်မည်ဖြစ်သည်။ သို့သော် အဆိုပါ လုံခြုံရေးအစီအမံများ ထားရှိသော် လည်း ကွန်ပြူတာကွန်ရက်များ အသုံးပြုရာတွင် ရှိရင်းစွဲ အန္တရာယ်အနှောက်အယှက်များရှိနေ မည်ဖြစ်ကြောင်း နှင့် အင်တာနက်ပေါ်တွင် လုံခြုံမှုရှိရေးအတွက် မည်သည့် အာမခံချက်မျှ လုံးလုံး လျားလျား မရှိသည်ကို ကျေးဇူးပြု၍ လူကြီးမင်း က သဘောပေါက်နားလည်ပေးရမည်ဖြစ်သည်။

မှန်ကန်သည့် သတင်းအချက်အလက်များ ပေးအပ်ခြင်း

လူကြီးမင်းသည် မှန်ကန်တိကျသည့် ကိုယ်ရေးအချက်အလက်များကို သေချာစွာပေးအပ်သင့် ပါ သည်။ လူကြီးမင်း ပေးအပ်သော မမှန်ကန်သည့်၊ တရားဝင်မှုမရှိသည့် သို့မဟုတ် မှားယွင်းနေသည့် သတင်းအချက်အလက်များ နှင့် စပ်လျဉ်း၍ တရားဥပဒေအရ မည်သည့်တာဝန်မျှ ကျွန်ုပ်တို့အပေါ် တွင်မရှိကြောင်း မှတ်ယူပါသည်။ အကယ်၍ လူကြီးမင်း က အခြားသောသူများ၏ ကိုယ်ရေးအချက် အလက်များကို အသုံးပြုမည်ဆိုပါက ယင်းတို့ထံမှ နည်းလမ်းတကျ သဘောတူညီချက် နှင့် ခွင့်ပြု ချက်တို့ ရယူထားရှိရမည်ဖြစ်သည်။

ကွတ်ကီးများ အသုံးပြုခြင်း ( ဘရောက်ဇာထဲတွင် ခဏတာ သိမ်းဆည်းထားရှိသည့် စာသားဖိုင်များ) နှင့် အလားတူ နည်းပညာများ

ဝက်ဆိုဒ်ထဲသို့ လူကြီးမင်း သွားရောက်သည့်အခါ လူကြီးမင်း၏ ပုဂ္ဂိုလ်ရေး မဟုတ်သည့်အချက်အ လက်များ ကို ကျွန်ုပ်တို့၏ ဆာဗာများက အလိုအလျောက် ရှာဖွေထုတ်ဖော်ပေး၍ မှတ်တမ်းရေး သွင်းပေးမည်ဖြစ်သည်။ သာမန်အားဖြင့် ထိုသို့ဆောင်ရွက်ရာတွင် လူကြီးမင်း၏ ဒိုမိန်းအမည် နှင့် တည်နေရာ၊ လူကြီးမင်းသွားရောက်ခဲ့သည့် စာမျက်နှာ(များ)၊ ရှာဖွေခဲ့သည့် စကားရပ်များ နှင့် အသုံး ပြုခဲ့သည့် ရှာဖွေရေးအင်ဂျင်များ နှင့် အသုံးပြုခဲ့သည့် ဝက်ဘ်ဘရောက်ဇာများ ပါဝင်မည်ဖြစ်သည်။ ကျွန်ုပ်တို့သည့်  အဆိုပါ အချက်အလက်များကို အသုံးပြု၍ ဝက်ဆိုဒ်အသုံးပြုမှုကို စောင့်ကြည့် လေ့လာမည်ဖြစ်ပြီး၊ ဝက်ဆိုဒ်အပေါ်  တိုးတက်ဆောင်ရွက်နိုင်မည့် နည်းလမ်းများကို ရှာဖွေမည် ဖြစ်သည်။

ဝက်ဆိုဒ်သည် ကွတ်ကီးများကို အသုံးပြုပါသည်။ ကွတ်ကီ တစ်ခု ဆိုသည်မှာ ကျွန်ုပ်တို့၏ ကွန်ပြူ တာ သို့မဟုတ် မိုဘိုင်းစက်ကိရိယာ ထဲတွင်သိမ်းဆည်းထားသည့် ရိုးရှင်းသော စာသားဖိုင်တစ်ခု ဖြစ် ပါသည်။ အဆိုပါ ကွတ်ကီးများသည်  လူကြီးမင်း နှင့် စပ်လျဉ်းသည့် အချက်အလက်များကို သိမ်း ဆည်းထားပိုင်ခွင့်ကို ကျွန်ုပ်တို့အား ပေးထားပြီး၊ နောင်အနာဂတ်တွင် ကျွန်ုပ်တို့၏ ဝက်ဆိုဒ်ထဲသို့ လူ ကြီးမင်း လာရောက်အသုံးပြုသည်အခါ ထိုသို့လာရောက်မှုကို ကျွန်ုပ်တို့အနေဖြင့် ဝင်ရောက်သိရှိနိုင် မည်ဖြစ်သည်။ ဤ အချက်သည် အသုံးပြုသူများ ပိုမိုရင်းနှီးကျွမ်းဝင်စွာ အသုံးပြုနိုင်မည့် အတွေ့အ ကြုံတစ်ရပ် ကျွန်ုပ်တို့အနေဖြင့် ပေးအပ်နိုင်ရေးတွင် အထောက်အကူပြုမည်ဖြစ်သည်။ ကျွန်ုပ်တို့ သတ်မှတ်ထည့်သွင်းပေးထားသည့် ကွတ်ကီးများမှာ လူကြီးမင်းသွားရောက် အသုံးပြုသည့် စာမျက် နှာများ ကို မှတ်သားထားပေးမည့် ဆက်ရှင်ကွတ်ကီးများ (session cookies) (ဝက်ဆိုဒ် ကိုယ် တိုင်မှ) နှင့်  XSRF တိုကင်ကွတ်ကီးများ (XSRF-token cookies) (XSS တိုက်ခိုက်မှုကို ကာကွယ်ရန်) ဖြစ်သည်။

အခြား ကြားခံပြင်ပ အဖွဲ့အစည်း၏ ပလက်ဖောင်းများ နှင့်  ဝက်ဆိုဒ်များအပေါ်  လူကြီးမင်း နှင့် လူ ကြီးမင်း၏ စိတ်ဝင်စားမှုများအတွက် ပိုမိုကိုက်ညီမှုရှိသည်ဟု ကျွန်ုပ်တို့အနေဖြင့်ယုံကြည်သည့်  ကြော်ငြာများကို ထည့်သွင်းပြသပေးနိုင်ရန်အတွက်   လူကြီးမင်း၏ စိတ်ဝင်စားမှုများကို ပစ်မှတ်ထား ၍ ကြော်ငြာပေးရာတွင်အသုံးပြုသည့် ကွတ်ကီများကို ကျွန်ုပ်တို့က အခါအားလျော်စွာ အသုံးပြု နိုင်ပါသည်။ အဆိုပါ ကွတ်ကီးများသည် ကျွန်ုပ်တို့ ဝက်ဆိုဒ်တွင် လူကြီးမင်း ဝင်ရောက်ကြည့်ရှုခဲ့ သည်များကို မှတ်သားထားပြီး အဆိုပါ အချက်အလက်များကို ကျွန်ုပ်တို့က အခြားသော ကြားခံပြင်ပ အဖွဲ့အစည်းများ ထံသို့ မျှဝေခြင်းဖြင့် ရွေးချယ်ထားသည့် ကြားခံပြင်ပ အဖွဲ့အစည်းများ၏ ပလက် ဖောင်းများတွင်  လူကြီးမင်း၏ စိတ်ဝင်စားမှုနှင့်ကိုက်ညီသည့် ကြော်ငြာများကို ပစ်မှတ်ထားထည့် သွင်းပေးသွားမည်ဖြစ်သည်။

အကယ်၍ လူကြီးမင်းသည် လူကြီးမင်း၏ ကွန်ပြူတာထဲတွင်ရှိပြီးဖြစ်သည့် ကွတ်ကီးများကို ပယ် ဖျက်လိုပါက သို့မဟုတ် ကန့်သတ်လိုပါက လူကြီးမင်း၏ ဘရောက်ဇာမှ တစ်ဆင့်ပြုလုပ်နိုင်ပါသည်။ ကွတ်ကီးများ နှင့် ပတ်သက်သည့် အချက်အလက်များ နှင့် ယင်းတို့ကို မည်ကဲ့သို့ စီမံခန့်ခွဲရမည်ကို ပိုမိုသိရှိလိုပါက www.allaboutcookies.org. တွင်ဝင်ရောက်လေ့လာနိုင်ပါသည်။

ကလေးသူငယ်များ

ဤ ဝက်ဆိုဒ်သည် အသက် (၁၈) နှစ် နှင့် အထက် ရှိသူများအသုံးပြုရန်အတွက် ရည်ရွယ်ပါသည်။ အ သက် (၁၈) နှစ် အောက်ရှိသူများသည် မိဘ သို့မဟုတ် အုပ်ထိန်းသူများ နှင့် အတူ ဝက်ဆိုဒ်ထဲသို့ဝင် ရောက်ကြည့်ရှုသင့်ပါသည်။ အသက် (၁၈) နှစ်အောက် ကလေး နှင့် စပ်လျဉ်းသည့် ကိုယ်ရေးအချက် အလက်များကို ကျွန်ုပ်တို့အနေဖြင့် ဝက်ဆိုဒ်ပေါ်တွင် ကောက်ယူသည့် အချိန်တိုင်း သက်ဆိုင်ရာ မိဘ သို့မဟုတ် အုပ်ထိန်းသူ၏ ကြိုတင်ခွင့်ပြုချက် ရယူရန်လိုအပ်မည်ဖြစ်သည်။

ကျွန်ုပ်တို့ကောက်ယူသည့် နှင့် အသုံးပြုသည့် ကိုယ်ရေးအချက်အလက်များ

ကျွန်ုပ်တို့ထံသို့ လူကြီးမင်းပေးအပ်သည့် ကိုယ်ရေးအချက်အလက်များကို ကောက်ယူခြင်း၊ စီမံဆောင် ရွက်ခြင်း၊ အသုံးပြုခြင်း၊ သိမ်းဆည်းခြင်း၊ မျှဝေခြင်း၊ လွှဲပြောင်းခြင်း သို့မဟုတ် အခြားနည်းဖြင့် ထုတ် ဖော်ခြင်းတို့ကို ကျွန်ုပ်တို့ပြုလုပ်နိုင်ပါသည်။ အောက်ပါ အချိန်များတွင် ဝက်ဆိုဒ်မှ တစ်ဆင့် လူကြီး မင်းထံမှ ကိုယ်ရေးအချက်အလက်များကိုပေးအပ်ရန် တောင်းဆိုနိုင်ပါသည်။

•      လူကြီးမင်းသည် Dulwich နှင့်စပ်လျဉ်းသည့် မေးမြန်းမှုများကို ဝက်ဆိုဒ်မှ တစ်ဆင့် ကျွန်ုပ် တို့ထံသို့ပေးပို့သည့်အခါ၊

•      Dulwich နှင့်စပ်လျဉ်းသည့် အခြားသော သတင်းအချက်အလက်များ နှင့် သတင်းလွှာများ ရယူ ရန် စာရင်းပေးသည့်အခါ၊

•      ကျွန်ုပ်တို့ သတ်မှတ်ထားသည့် အင်တာနက်ဝက်ဆိုက်ဒ် မှ တစ်ဆင့် လူကြီးမင်း သို့မဟုတ် လူ ကြီးမင်း၏ ကလေးက Dulwich ကျောင်းလျှောက်သည့်အခါ၊

•      Dulwich ကျောင်း စတင်ဖွင့်သည့် နေ့ရက် သို့မဟုတ် ကျောင်းဖွင့်/ပိတ်သည့် အချိန်ကာလ အစီ အစဉ်ဇယားကို လူကြီးမင်းတောင်းဆိုသည့်အခါ၊

•      Dulwich ကျောင်းက စီစဉ်သော သို့မဟုတ် Dulwich ကျောင်း နှင့် စပ်ဆက်၍ ပြုလုပ်သည့် လှုပ်ရှားမှုတစ်ရပ်ရပ်တွင် ပါဝင်လိုကြောင်း လူကြီးမင်း သို့မဟုတ် လူကြီးမင်း၏ ကလေးက လျှောက်ထားသည့်အခါ၊

လူကြီးမင်း၏ ကိုယ်ရေးအချက်အလက်များကို လူကြီးမင်းက ထုတ်ဖော်ပြောကြားခြင်းမပြုပါက လူကြီးမင်း တောင်းဆိုသည့် ကျွန်ုပ်တို့၏ ဝန်ဆောင်မှုများကို ပေးအပ်နိုင်မည်မဟုတ်ပါ။

“ကိုယ်ရေးအချက်အလက်” ဆိုသည်မှာ မှန်ကန်သည်ဖြစ်စေ၊ မမှန်ကန်သည်ဖြစ်စေ လူကြီးမင်း သို့မ ဟုတ် လူကြီးမင်း၏ ကလေးမှာ မည်သူမည်ဝါဖြစ်ကြောင်းဖော်ပြသည့် အချက်အလက် သို့မဟုတ် ကျွန်ုပ်တို့အနေဖြင့် ဝင်ရောက်ရယူသော သို့မဟုတ် ရယူနိုင်သည့် အဆိုပါ အချက်အလက် သို့မဟုတ် အခြားသော အချက်အလက်များကို ဆိုသည်။ ယင်းတို့ထဲတွင် အမည်၊ မွေးသက္ကရာဇ်၊ နေရပ်လိပ်စာ၊ မှတ်ပုံတင်လက်မှတ်၊ နိုင်ငံကူးလက်မှတ်၊ ပြည်တွင်း၌နေထိုင်မှု၊ ဘာသာစကား၊ ပညာအရည်အချင်း၊ ကျန်းမာရေး အခြေအနေ၊ ကိုယ်ပိုင် အကျိုးစီးပွါးများ၊ စားသောက်မှုပုံစံ ဆိုင်ရာလိုအပ်ချက်များ၊ သင်ကြားရေး နှင့် ကျောင်းဆရာတို့၏ တာဝန်အပြင် လူမှုရေးထိန်းကျောင်းမှု ဝတ္တရားနှင့် ပတ် သက်သော လိုအပ်ချက်များ၊ ဦးစားပေးမှုများ နှင့် အောင်မြင်မှုများ လည်းအပါအဝင်ဖြစ်သည်။

ကိုယ်ရေးအချက်အလက်များသိုလှောင်သိမ်းဆည်းခြင်း

ကိုယ်ရေးအချက်အလက်များ သိမ်းဆည်းထားရှိမှုဆိုင်ရာ စည်းမျဉ်းအရ  ကိုယ်ရေးအချက်အလက် အားလုံးကို ၎င်းတို့အားကောက်ခံသည့် တရားဝင် ဒေသအတွင်း သိမ်းဆည်းထားရှိမည်ဖြစ်သည်။ သို့သော် ကျွန်ုပ်တို့သည်  လူကြီးမင်းနေထိုင်ရာ နိုင်ငံ ပြင်ပရှိ အရင်းအမြစ်များ နှင့် ဝန်ဆောင်မှုများ မှ တစ်ဆင့် လူကြီးမင်းထံသို့ ဝန်ဆောင်မှုများ ပေးအပ်နိုင်ပါသည်။ Dulwich College International Group ၏ ကမ္ဘာတစ်ဝှမ်း ဆောင်ရွက်ချက်များ နှင့် စီမံခန့်ခွဲမှုဆိုင်ရာ လိုအပ်ချက်များ အရ လူကြီး မင်း၏ ကိုယ်ရေးအချက်အလက်များကို လူကြီးမင်းနေထိုင်ရာ နိုင်ငံပြင်ပရှိ ကမ္ဘာတစ်ဝှမ်းမှ Dulwich College International Group ၏ အဖွဲ့ဝင်များ နှင့် ယင်း၏ လက်ခံရယူသူများ (အောက်တွင်အ ဓိပ္ပါယ်ဖွင့်ဆိုထားသည့်အတိုင်း) ထံသို့ လွှဲပြောင်းပေးခြင်း သို့မဟုတ် ယင်းတို့ထံတွင် သိမ်းဆည်းထား ရှိခြင်း တို့ကို သက်ဆိုင်ရာ ဥပဒေက ခွင့်ပြုထားသည့် အတိုင်းအတာအထိ ဆောင်ရွက်နိုင်ပါသည်။

ကိုယ်ရေးအချက်အလက်များ ကောက်ယူရခြင်း၏ မူလ ရည်ရွယ်ချက်ကိုဖြည့်ဆည်းရန် နှင့် သက် ဆိုင်ရာဥပဒေ အရ သို့မဟုတ် စီးပွါးရေးကိစ္စရပ်များအလို့ငှာ လိုအပ်သလို ထားရှိရန်အတွက်  ကျွန်ုပ် တို့ကောက်ယူထားသည့် အဆိုပါ ကိုယ်ရေးအချက်အလက်များကို ဆက်လက်၍ ထိန်းသိမ်းထားရှိ မည်ဖြစ်သည်။

ကိုယ်ရေးအချက်အလက်များ အသုံးပြုခြင်း နှင့် ထုတ်ဖော်ခြင်း

၁။        ရည်ရွယ်ချက်များ

အောက်ပါတို့အကန့်အသတ်မဲ့အပါအဝင် ကိုယ်ရေးအချက်အလက်များ ကောက်ယူရသည့် နှင့် စီမံ ဆောင်ရွက်ရသည့် ရည်ရွယ်ချက်များမှာ အောက်ပါအတိုင်းဖြစ်သည် -

•          လူကြီးမင်း နှင့် လူကြီးမင်း၏ ကလေး နှင့် ဆက်ဆံရေးကို စီမံခန့်ခွဲရန် ( ဥပမာ - လူကြီးမင်း ၏ မေးမြန်းမှုများကို ပြန်လည်တုံ့ပြန်ဖြေဆိုရန်)၊

•          ကျောင်းတက်ရောက်ရန် လျှောက်ထားချက်များကို ဆောင်ရွက်ရန်၊

•          Dulwich ကျောင်းနှင့် ဆက်စပ်လျက်ရှိသည့် ပွဲများ /ဆောင်ရွက်လှုပ်ရှားမှုများ ကို ထောက် ပံ့ကူညီရန် (ဥပမာ - ကျောင်းဖွင့်ရက် သို့မဟုတ် Dulwich သို့သွားရောက်လည် ပတ်ရန်)၊

•          စည်းကမ်းထိန်းသိမ်းရေး၊ စာရင်းစစ်ဆေးရေး သို့မဟုတ် လုံခြုံရေးဆိုင်ရာ သတ်မှတ်ချက် များ နှင့် အညီ ဆောင်ရွက်ရန်၊

•          Dulwich နှင့် စပ်လျဉ်းသည့် တိုက်ရိုက်ဈေးကွက်ရှာဖွေရေး ဆိုင်ရာ စာစောင်များ ပေးပို့ခြင်း (ဥပမာ- သတင်းလွှာများ နှင့် ကြော်ငြာများ) ၊ နှင့်

•          Dulwich ကျောင်း အဆင်ပြေချောမွေ့စွာ လည်ပတ်နိုင်ရန်အတွက် အခြားသော ကိစ္စရပ် များ၊

၂။         ကိုယ်ရေးအချက်အလက်များ မျှဝေခြင်း နှင့် လွှဲပြောင်းခြင်း

ဤ “ကိုယ်ရေးလုံခြုံမှုဆိုင်ရာမူဝါဒ” တွင်ဖော်ပြပါရှိသည့် ရည်ရွယ်ချက်များ ကိုဖြည့်ဆည်းပေးရန် နှင့် လူကြီးမင်းအတွက် ဆောင်ရွက်ပေးရန် ကျွန်ုပ်တို့သည် လူကြီးမင်း၏ ကိုယ်ရေးအချက်အလက် များကို Dulwich College International Group ၏ အဖွဲ့ဝင်များ၊ လက်ခံရယူသူများ (အောက်တွင် အဓိပ္ပါယ်ဖွင့်ဆိုထားသည့်အတိုင်း) ရှိရာ ဗြိတိန်နိုင်ငံ၊ အမေရိကန်နိုင်ငံ၊ စင်္ကာပူနိုင်ငံ၊ တရုတ်နိုင်ငံ  (ဟောင်ကောင်၊ မကာအို နှင့် ထိုင်ဝမ်)၊ ကိုရီးယားနိုင်ငံ၊ မြန်မာနိုင်ငံ နှင့် လက်ခံရယူသူများ လုပ်ငန်း များလုပ်ကိုင်ဆောင်ရွက်ရာ  အခြားသော နိုင်ငံများ ထံသို့ ကိုယ်ရေးအချက်အလက်များ ကိုမျှဝေ နိုင်သည်။ ကျွန်ုပ်တို့သည် လိုအပ်သည်အထိသာ ကိုယ်ရေးအချက်အလက်များ ကို မျှဝေခြင်း နှင့် လွှဲ ပြောင်းခြင်းတို့ပြုလုပ်မည်ဖြစ်သည်။ ထိုသို့ပြုလုပ်ရာတွင်လည်းဤ “ကိုယ်ရေးလုံခြုံမှုဆိုင်ရာမူဝါဒ” ကိုအထောက်အထားပြုရမည်ဖြစ်ပြီး လက်ခံရယူသူများသည် အဆိုပါ ကိုယ်ရေးအချက်အလက်များ ကို သက်ဆိုင်ရာ Dulwich ကျောင်း လည်ပတ်လုပ်ကိုင်ရာ နိုင်ငံရှိ အကျုံးဝင်ရာ ဥပဒေများ နှင့် စည်း မျဉ်းများအရ အနည်းဆုံး ကိုက်ညီနိုင်သည့် စံသတ်မှတ်ချက်များ နှင့် အညီ အကာအကွယ်ပေးရန်လို အပ်မည်ဖြစ်သည်။

“လက်ခံရယူသူများ” ဟုဆိုရာတွင် အောက်ပါတို့အကန့်အသတ်မဲ့ပါဝင်နိုင်ပါသည် - Dulwich ကျောင်းမှ လူကြီးမင်းအား အသိပေးအကြောင်းကြားထားသည့် ပညာရေးဆိုင်ရာအဖွဲ့အစည်းများ၊ ပညာရေးဆိုင်ရာ ဝန်ဆောင်မှုပေးသူများ၊ ဖျော်ဖြေရေးအနုပညာ အဖွဲ့အစည်းများ၊ အနုပညာအဖွဲ့ အစည်းများ၊ အားကစားအဖွဲ့အစည်းများ၊   Dulwich ကျောင်းတွင် သင်ကြားရေး နှင့် သင်ယူရေး တွင် ပါဝင်နေကြသည့် ပညာရှင်များ (လူတစ်ဦးချင်းအလိုက် နှင့် အဖွဲ့အစည်းများ)၊ အချက်အလက်များ စိစစ်ရေး ဆိုင်ရာဝန်ဆောင်မှုပေးသူများ၊ ကြော်ငြာရေးဝန်ဆောင်မှုပေးသူများ၊ ကုန်စည်ပေးသွင်း သူများ နှင့် ဝန်ဆောင်မှုပေးသူများ။

၃။        အမည်မသိကိုယ်ရေးအချက်အလက်

ကျွန်ုပ်တို့သည် ပညာရေးဆောင်ရွက်ချက်၊ ဝင်ခွင့်အတွက်လျှောက်ထားချက် နှင့် စပ်လျဉ်းသည့် စစ် တမ်းများကို ကျွန်ုပ်တို့စုဆောင်းထားရှိနိုင်ပြီး ယင်းတို့ကို Dulwich College International Group ရှိအဖွဲ့ဝင်များ သို့မဟုတ် အခြားသောအဖွဲ့အစည်းများ နှင့်မျှဝေနိုင်ခြင်း သို့မဟုတ် Dulwich College International Group သို့မဟုတ် သက်ဆိုင်ရာ Dulwich ကျောင်း၏ လုပ်ငန်းဆောင် ရွက်ချက်များ အပေါ်စိစစ်ရန်အလို့ငှာ အဆိုပါ စစ်တမ်းများ နှင့် စိစစ်ထားသည့် အချက်အလက်များ ကိုအများ ပြည်သူထံသို့ ထုတ်ဖော်ပြောကြားခြင်း တို့ဆောင်ရွက်နိုင်ပါသည်။ အဆိုပါအချက်အလက်များထဲ တွင် ကိုယ်ရေးအချက်အလက်များမပါဝင်ပါ။

အထက်ပါ ခွင့်ပြုနိုင်သည့် ကိစ္စရပ်များမှ အပ လူကြီးမင်း၏ ကိုယ်ရေးအချက်အလက်များကို လူကြီး မင်း၏ သဘောတူခွင့်ပြုချက်ရယူ၍သာ သို့မဟုတ် သက်ဆိုင်ရာ ဥပဒေများ နှင့် စည်းမျဉ်းများ ကိုအ ခြေခံ၍သာ ကြားခံပြင်ပအဖွဲ့အစည်းများ သို့မဟုတ် အများပြည်သူထံသို့ ထုတ်ဖော်ပြောကြား မည် ဖြစ်သည်။

လူကြီးမင်း၏ ကိုယ်ရေးအချက်အလက်များကို စီမံခန့်ခွဲခြင်း

အကယ်၍ လူကြီးမင်းသည် လူကြီးမင်း၏ ကိုယ်ရေးအချက်အလက်များ အတွင်းသို့ ဝင်ရောက် အသုံးပြုလိုပါက သို့မဟုတ် မွမ်းမံပြင်ဆင်လိုပါက သို့မဟုတ် သက်ဆိုင်ရာ ဥပဒေများ၊ စည်းမျဉ်းများ နှင့်အညီ လူကြီးမင်း၏ ကိုယ်ရေးအချက်အလက်များ ပယ်ဖျက်လိုပါက ထိုသို့ဆောင်ရွက်နိုင်ရန် ဤ “ကိုယ်ရေးလုံခြုံမှုဆိုင်ရာမူဝါဒ” တွင်ပါဝင်သည့် ဆက်သွယ်ရန်အချက်အလက်မှ တစ်ဆင့် ကျွန်ုပ်တို့ ထံ သို့ဆက်သွယ်ဆောင်ရွက်နိုင်ပါသည်။ ကျွန်ုပ်တို့အနေဖြင့် လူကြီးမင်းထံတွင် ထိုသို့ တောင်းဆိုပိုင် ခွင့်ရှိကြောင်း အတည်ပြုပေးနိုင်သည့် သက်သေခံအထောက်အထားကို  တောင်းဆိုနိုင်ပါသည်။

လူကြီးမင်းသည် ကိုယ်ရေးအချက်အလက်ကောက်ခံမှု၊ အသုံးပြုမှု နှင့် စပ်လျဉ်း၍  လူကြီးမင်း၏ သ ဘောတူညီချက်ကို ပြောင်းလဲလိုပါက သို့မဟုတ် ရုပ်သိမ်းလိုပါက  ဤ “ကိုယ်ရေးလုံခြုံမှုဆိုင်ရာမူဝါ ဒ” တွင်ပါဝင်သည့် ဆက်သွယ်ရန်အချက်အလက်မှ တစ်ဆင့် ကျွန်ုပ်တို့ထံ သို့ဆက်သွယ်ဆောင်ရွက် နိုင်ပါသည်။ ကျွန်ုပ်တို့အနေဖြင့် လူကြီးမင်းထံတွင် ထိုသို့တောင်း ဆိုပိုင်ခွင့်ရှိကြောင်း အတည်ပြုပေး နိုင်သည့် သက်သေခံအထောက်အထားကို တောင်းဆိုနိုင်ပါသည်။ သို့ရာတွင် ထိုသို့ သဘောတူညီ ချက် ကို ရုပ်သိမ်းရန်ချမှတ်သည့် လူကြီးမင်း၏ ဆုံးဖြတ်ချက်သည် လူကြီးမင်း၏ ကိုယ်ရေးအချက် အလက်များကို ယခင်က ကျွန်ုပ်တို့စီမံ ဆောင်ရွက်ခဲ့မှုအပေါ် အကျိုးသက်ရောက်မည်မဟုတ်ပါ။

ဥပဒေများ နှင့် စည်းမျဉ်းများအရ လိုအပ်ပါက ကျွန်ုပ်တို့သည် လူကြီးမင်း၏ တောင်းဆိုချက်များကို ငြင်းပယ်နိုင်သည်။ အချို့သော တောင်းဆိုမှုများအတွက် စီမံဆောင်ရွက်ပေးရန် အချိန်ပိုမို လိုအပ် နိုင်ပါသည်။ ကျွန်ုပ်တို့သည် လူကြီးမင်း၏ တောင်းဆိုချက်အရ လူကြီးမင်း ကလေး၏ ကိုယ်ရေးအ ချက်အလက်များကို ပယ်ဖျက်ပြီးသည့်တိုင် သို့မဟုတ် လူကြီးမင်း၏ သဘောတူညီချက်ကို လူကြီး မင်းမှ အောင်မြင်စွာပြန်လည်ရုပ်သိမ်းပြီးသည့်တိုင် လူကြီးမင်း အစောပိုင်းက သဘောတူခွင့်ပြုချက် အရ ကျွန်ုပ်တို့ကောက်ခံစုဆောင်းခဲ့သည့် လူကြီးမင်း ၏ ကိုယ်ရေးအချက်အလက်များ ပါဝင်ခြင်းမရှိ သည့် အချက်အလက်များကို ဆက်လက်၍ အသုံးပြုပိုင်ခွင့် နှင့် ထိန်းသိမ်းထားပိုင်ခွင့် ကျွန်ုပ်တို့ထံ တွင်ရှိပါသည်။ အဆိုပါ အချက်အလက်များ သည် ပုဂ္ဂိုလ်ရေးဆိုင်ရာ အချက်အလက်များမဟုတ်ပါ။

လူကြီးမင်းသည် မည်သည့်အချိန်တွင်မဆို တိုက်ရိုက်ဈေးကွက်ရှာဖွေရေးအစီအစဉ်တွင် မပါဝင်ပဲနေ ရန် အခွင့်အရေးအပြည့်အဝရှိပါသည်။လူကြီးမင်းသည် ဤ “ကိုယ်ရေးလုံခြုံမှုဆိုင်ရာမူဝါဒ” တွင်ပါဝင် သည့် ဆက် သွယ်ရန်အချက်အလက်မှ တစ်ဆင့် ကျွန်ုပ်တို့ထံသို့ ဆက်သွယ် နိုင်ပါသည်။

အခြားသော ဝက်ဆိုဒ်များသို့ လင့်ခ်များ

လူကြီးမင်း ကိုယ်တိုင် အရဲစွန့်ဝင်ရောက်ကြည့်ရှုသည့်ဤ ဝက်ဆိုဒ်သို့ လင့်ခ်ချိတ်ထားသော သို့မ ဟုတ် ဤ ဝက်ဆိုဒ် မှနေ၍ လင့်ခ်ချိတ်ထားသော သို့မဟုတ် အခြားသော Dulwich ကျောင်း၏ ဝက် ဆိုဒ် တစ်ခုခုမှ လင့်ခ်ချိတ်ထားသော ကြားခံပြင်ပ အဖွဲ့အစည်းများ၏ ဝက်ဆိုဒ်များပါ အကြောင်းအ ရာများ နှင့် စပ်လျဉ်း၍ Dulwich တွင်မည်သည့်တာဝန်မျှမရှိပါ။

မူပိုင်ခွင့်

ဝက်ဆိုဒ်ပေါ်ရှိ အားလုံးသော သင်ထောက်ကူပစ္စည်းများ၊ ဒီဇိုင်းများ၊ အကြောင်းအရာများ နှင့် အချက် အလက်များ၏ မူပိုင်ခွင့်ကို ကမ္ဘာပေါ်တစ်ဝှမ်းကျင့်သုံးလျက်ရှိသည့် မူပိုင်ခွင့်ဥပဒေများနှင့် အညီ အ ကာအကွယ်ပေးထားပါသည်။ အဆိုပါ သင်ထောက်ကူပစ္စည်းများ၊ ဒီဇိုင်းများ၊ အကြောင်းအရာများ နှင့် အချက်အလက်များကို လူကြီးမင်း၏ ကိုယ်ပိုင်အသုံးပြုမှုတို့အတွက် ဒေါင်းလုပ်ဆွဲခြင်း သို့မဟုတ် ပရင့်ထုတ်ခြင်း တို့ပြုလုပ်နိုင်ပါသော်လည်း ကျွန်ုပ်တို့၏ အတိအလင်းခွင့်ပြုချက်မရှိပဲ ယင်းတို့ကို မူပွားခြင်း၊ ရောင်းချခြင်း၊ ထုတ်ဝေခြင်း၊ ဖြန့်ဖြူးခြင်း သို့မဟုတ် ပြန်လည်ပုံနိုပ်ထုတ်ဝေခြင်း တို့မပြု လုပ်ရ။

ဆက်သွယ်ရန် အချက်အလက်

လူကြီးမင်း၏ ကိုယ်ရေးအချက်အလက်များ စီမံခန့်ခွဲမှုဆိုင်ရာ တောင်းဆိုမှုများအပါအဝင် မည်သည့် မေးမြန်းမှုများ၊ အကြံပေးမှုများ သို့မဟုတ် တောင်းဆိုမှုများ ရှိခဲ့ပါက ကျွန်ုပ်တို့ထံသို့ အောက်ပါ အီးမေးလ်လိပ်စာသို့ လိပ်မူ၍ ပေးပို့နိုင်ပါသည် privacy@indulwich.com

နောက်ဆုံးမွမ်းမံပြင်ဆင်ခြင်း - ၂၀၂၀ ပြည့်နှစ်၊ နိုဝင်ဘာလ ၁ ရက်နေ့