Daniel&Rebecca Dorrington

Daniel&Rebecca Dorrington

ပထဝီနှင့် ပြဇာတ် ဆရာဆရာမ

Dulwich International High School Suzhou

Dulwich College International High School Suzhou တွင် လာရောက်တာဝန်ထမ်းဆောင်ရန် သင့်အား မည်သည်တို့မှ ဆွဲဆောင်ခဲ့သနည်း။ သင်ဤနေရာတွင် အချိန်အတော်ကြာ ရှိလိမ့်မည်ဟု မျှော်လင့် ပါသလား။ သင့် အသက်မွေးဝမ်းကျောင်းကို တိုးတက်စေရန် အတွက် ကျောင်းကွန်ရက် အတွင်းတွင် ပြောင်းရွှေ့တာဝန်ထမ်းဆောင်ရန် စိတ်ဝင်စားပါသလား။

ကျွန်တော်/မတို့ အနေဖြင့် တရုတ်နိုင်ငံသို့ မရွှေ့ပြောင်းခင် ဘာမြူဒါဒေသတွင် ၇ နှစ်ကြာ နေထိုင် လုပ်ကိုင်ခဲ့ကြသည်ဖြစ်ရာ အပြောင်းအလဲတစ်ခု လိုအပ်ခဲ့ပါသည်။  ၂၁ စတုန်ရန်းမိုင် အကျယ်အဝန်းသာရှိသော နယ်မြေတစ်ခုတွင် နေထိုင်ကုန်ဆုံးခဲ့သည့် ၇ နှစ်တာ အချိန်ဆိုသည်မှာ အလွန်ရှည်ကြာခဲ့သည်ဖြစ်ပါ၍ ကျွန်တော်/မတို့အနေဖြင့် အပြောင်းအလဲတစ်ခုကို အလွန် လိုချင်ခဲ့ကြပါသည်။  ကျွန်တော်/မ တို့သည် စူးကျိုးမြို့အကြောင်း အနည်းငယ်သာ သိသော်လည်း Dulwich အမည်ကိုမူ ကောင်းကောင်း သိရှိထားပါသည်။  ကျွန်တော်/မတို့အနေဖြင့် တရုတ်လူမျိုးကျောင်းသား ကျောင်းသူ အနည်းငယ်ကိုသာ ယခင်က သင်ကြားခဲ့ဖူးပါသည်။ ယင်းနောက်တွင် တရုတ်ကျောင်းတစ်ကျောင်း၌ ဗြိတိသျှသင်ရိုးညွှန်းတမ်းတစ်ခုကို သင်ကြားနိုင်မည့် အခွင့်အရေးအား အမိအရ ယူခဲ့ပါသည်။  

ကျွန်တော်/မတို့သည် မိမိတို့၏ သမီးအား တရုတ်ဘာသာစကား ကျွမ်းကျင်တတ်မြောက်စေလိုသဖြင့် တရုတ်နိုင်ငံတွင် နှစ်အနည်းငယ်မျှကြာအောင် နေထိုင်ရန် စီစဉ်ထားပါသည်။  

ကျောင်းရှိ ဆရာဆရာမများကြား လူမှုဆက်ဆံရေးကို သင် မည်သို့ ထင်မြင်ပါသနည်း။ သင်သည် အခြား DCI  ကျောင်းများမှ လုပ်ဖော်ကိုင်ဖက်များနှင့် မည်သို့ ပူးပေါင်းဆောင်ရွက်ပါသနည်း။

ကျွန်တော်/မတို့ ကျောင်းမှ ဆရာဆရာမများသည် အလွန် အလုပ်ကြိုးစားကြပြီး အဖွဲ့အစည်းတစ်ခုအဖြစ် ပူးပေါင်းလုပ်ကိုင်ရသည်မှာ အလွန်ကောင်းပါသည်။ ကျွန်တော်/မတို့အားလုံးတွင် ကျောင်းအား ပိုမို တိုးတက်ကောင်းမွန်လာအောင် ပုံဖော်ရန် ကူညီပေးနိုင်မည့် အခွင့်အရေးများ ရရှိခဲ့ကြပါသည်။ ခိုင်မာသော အသင်းအဖွဲ့စိတ်ဓာတ်ရှိပြီး မိမိလုပ်ကိုင်ရာ အဖွဲ့အစည်းနှင့် တစ်သွေးတစ်သားတည်းဖြစ်သော ခံစားချက်လည်း ရှိပါသည်။ ဌာနများစွာမှ ပူးပေါင်းပါဝင်ဆင်နွှဲ ကြသော အထူးနေ့ရက်များနှင့် အခမ်းအနားများနှင့် ပွဲပေါင်းများစွာရှိပြီး အနည်းငယ်ကို ကျောင်းတွင်း၌​ကျင်းပပြီး ဖြစ်ပါသည်။

ဤကျောင်းရှိ ကျောင်းသားကျောင်းသူများ၏ ပါဝင် လုပ်ဆောင်မှုကို မည်သို့မြင်ပါသနည်း။

Rebecca - ရိုးသားစွာဝန်ခံရလျှင် အချို့ကျောင်းသားကျောင်းသူများ အတွက် ပြဇာတ်ဘာသာသည် ဘာသာရပ်အသစ်ဖြစ်နေခြင်း ကြောင့် အစပိုင်း ရက်သတ္တပတ် အနည်းငယ်မှာ စိတ်တုန်လှုပ်ဖွယ်ရာဖြစ်ခဲ့ပါသည်။ သို့သော်လည်း ၎င်းတို့၏ စိတ်အားထက်သန်မှုကို အံ့အားသင့်ဖွယ်ရာ တွေ့မြင်ခဲ့ရပါသည်။ ယင်းကဲ့သို့ စိတ်အားထက်သန်ကြသည့်အတွက် ၄င်းတို့အား ခက်ခဲသည့် အရာများကို ရင်ဆိုင်လုပ်ဆောင်လာနိုင်စေရန် တွန်းအားပေးနိုင်ခဲ့ပြီး ပိုမို ပါဝင်ဆောင်ရွက်လာနိုင်ပြီး မိမိကိုယ်ကိုယုံကြည်မှုရှိကာ ဖန်တီးနိုင်စွမ်းရှိသော ကျောင်းသားကျောင်းသူများ ဖြစ်လာစေရန်အတွက် ဆောင်ရွက်ပေးရာတွင် ကျွန်မ အတွက် အထောက်အကူဖြစ်စေခဲ့ပါသည်။

သင်သည် ကျောင်းသားကျောင်းသူမိဘများနှင့် မည်မျှချိတ်ဆက် ဆောင်ရွက်လေ့ ရှိပါသနည်း။

Daniel -ဘာသာစကား အခက်အခဲ ရှိခဲ့သော်လည်း ဘာသာပြန်သူများ၏ အကူအညီဖြင့် ဆောင်ရွက်နိုင်ခဲ့ပါသည်။ ခြုံပြောရလျှင် မိဘများသည် ကျွန်တော်တို့ အနေဖြင့် ဖြစ်မြောက်လာစေရန် အားထုတ်ကြိုးပမ်းနေသော အရာများကို အလွန်ပင် ပံ့ပိုးပေးနိုင်ကြပါသည်။

သင်လုပ်ခဲ့ဖူးသော အခြားကျောင်းများနှင့် နှိုင်းယှဉ်ပါက Dulwich ကျောင်းတွင် လုပ်ကိုင်ရခြင်းသည် ကွာခြားမှု တစ်စုံတစ်ရာ ရှိသည်ဟု ထင်ပါသလား။

Rebecca- ကျွန်မအနေဖြင့် ယခင်က ကျောင်းကွန်ရက်အဖွဲ့ ဝင် ကျောင်း တစ်ကျောင်းတွင် အလုပ်မလုပ်ခဲ့ဘူးပါ။ ဤ ပညာရေးအုပ်စုတွင် ပါဝင်ခွင့်ရခဲ့ပြီး အခြားကျောင်းများနှင့် မိသားစုသဖွယ် ဆက်ဆံရခြင်းသည် အလွန်ကို စိတ်ဝင်စားဖွယ်ဖြစ်ပါသည်။ 

သင်သည် သင်ရိုးပြင်ပ လှုပ်ရှားဆောင်ရွက်မှုများတွင် မည်သို့ ပါဝင်လှုပ်ရှားဆောင်ရွက်ခဲ့ပါသနည်း။ သင်မည်သည့်  သင်ရိုးပြင်ပ လှုပ်ရှားဆောင်ရွက်မှုများကို ပြုလုပ်ခဲ့ပါသနည်း။

Daniel –ECA (သင်ရိုးပြင်ပ လှုပ်ရှားဆောင်ရွက်မှုများ)သည် ကျွန်တော်တို့ကျောင်းအတွက် အရေးပါလှပါသည်။  တရုတ်လူမျိုး ကျောင်းသားကျောင်းသူများနှင့် မိဘများသည် ယင်းသင်ရိုးပြင်ပ လှုပ်ရှားဆောင်ရွက်မှုများကို နှစ်သက်လက်ခံကြပြီး ၎င်းတို့ကိုယ်တိုင် ပုံစံချထားသည့် လှုပ်ရှားဆောင်ရွက်မှုများပင် ရှိပါသည်။  ကျွန်တော်သည်  International Award ကို လည်ပတ်အောင် စီမံရသူဖြစ်သည်။ ယခုနှစ်တွင် ကျောင်းသားကျောင်းသူပေါင်း ၃၅၀ ကို ဆွဲဆောင်နိုင်ခဲ့ပြီး ၎င်းတို့အနက်မှ ၇၀ သည် ရွှေတံဆိပ်အဆင့် ရရှိခဲ့သည်။ 

Rebecca - ကျွန်မတို့ကျောင်းရှိ စက္ခုပသာဒနှင့် ဖျော်ဖြေတင်ဆက်မှု အနုပညာဌာနမှ အဖွဲ့ဝင်တစ်ဦးအနေဖြင့် ကျွန်မသည် သင်ရိုးပြင်ပ လှုပ်ရှားဆောင်ရွက်မှုများစွာကို ညှိနှိုင်းဆောင်ရွက်ရန် တာဝန်ရှိပြီး 'Glee' အဖွဲ့ ဆရာပိုင်း ခေါင်းဆောင်ဖြစ်ပါသည်။  ကျွန်တော်တို့သည် ကျောင်းသားကျောင်းသူများအား ၎င်း တို့၏ အနုပညာအရည်အသွေးများကို ပြသနိုင်မည့် အခွင့်အလမ်းများ ဖန်တီးပေးသော အခမ်းအနားများနှင့် ပွဲပေါင်းများစွာကို ကျင်းပပေးပါသည်။ ဥပမာ- အရည်အသွေးပြပွဲများ၊ ရှိတ်စပီးယား ပွဲတော်နှင့် VPA ပွဲတော်တို့ ဖြစ်ပါသည်။

သင်သည် စူးကျိူးမြို့တွင် နေထိုင်ရသည်ကို မည်သို့ထင်မြင်ပါသနည်း။

ကျွန်တော်တို့သည် ခေတ်ဟောင်း တရုတ်ပြည်နှင့် ခေတ်သစ် တရုတ်ပြည်တို့ ယှဉ်တွဲလျက်ရှိနေသော စူးကျိုးမြို့တွင် နေထိုင်ခွင့်ရခဲ့သည့် အတွက် မိမိတို့၏ ကံကောင်းခြင်းကို မယုံကြည်နိုင်လောက်အောင်ပင် ဖြစ်ခဲ့ရပါသည်။ သင်လိုအပ်သည်မှန်သမျှကို တံခါးဖွင့်လိုက်ရုံနှင့် ရရှိနေနိုင်ပြီး(Marks and Spencer's ကိုမကြာမီက ဖွင့်လှစ်ပြီးဖြစ်သည်) အလွန်သန့်ရှင်း၍ လုံခြုံစိတ်ချရပါသည်။ စူးကျိုးသည် မိသားစုတစ်စုအတွက် အလွန်ကောင်းမွန်သော နေရာတစ်ခုဖြစ်ပါသည် - ကျယ်ပြန့်သော လူသွားစင်္ကြံန်များရှိပြီး မြို့တစ်ပတ် စက်ဘီးစီးနိုင်ကာ ပတ်၍လမ်းလျှောက်နိုင်မည့် ရေကန်ကြီးတစ်ကန်လည်း ရှိပါသည်။ ဤနေရာသည် မိသားစုတစ်စုအတွက် ခရီးသွားရန်နှင့် စူးစမ်းလေ့လာမှုများ ပြုလုပ်ရန် အတွက် နေရာကောင်းတစ်ခုဖြစ်ပါသည်။ ကျွန်တော်တို့ Wales တွင်နေခဲ့သည့် လွန်ခဲ့သော ၁၀ နှစ် က သွားရောက်လည်ပတ်ရန် စိတ်ပင်မကူးခဲ့ဘူးသော နေရာများကို ရောက်ရှိနေပြီဖြစ်ပြီး ပို၍သွားလာနိုင်ရန်လည်း စီစဉ်ထားပါသည်။