Jamie McNamara

Jamie McNamara

Primary School ၏ လက်ထောက်ကျောင်းအုပ်

Dulwich College Seoul

အာရှရှိ Dulwich College International သို့ လာရောက် တာဝန်ထမ်းဆောင်ရန် သင့်ကို မည်သည့်အချက်များက ဆွဲဆောင်ခဲ့ပါသနည်း။

ကျွန်တော်သည်  ၂၀၀၉ ခုနှစ်တွင် Dulwich College Beijing သို့ Year Leader တစ်ဦးအနေဖြင့် စတင်ရောက်ရှိခဲ့ပါသည်။ အသက်မွေးမှုဘဝ၏ ပထမဦးဆုံးအနေဖြင့် Inner London တွင် နေထိုင် အလုပ်လုပ်ပြီးခဲ့သည့်နောက်တွင် နှစ်သက်စရာကောင်းသည့် လူနေမှုအဆင့်အတန်း အပြောင်းအလဲအား ကြုံတွေ့ခဲ့ရသည်ကို ကျွန်တော့်အနေဖြင့် သတိတရ ရှိနေပါသည်။ကျွန်တော့်၏ ဘဝအသစ်အား အမှန်တကယ် ကြုံတွေ့နေရသည်ကို အတော်ပင် မယုံနိုင်ဖြစ်ခဲ့ရပါသည်။ လကုန်သည့်အခါတိုင်း ငွေရှင်းပြေစာများ နှင့် ချေးငွေများ ပေးချေနိုင်ရန် ကျွန်တော့်အနေဖြင့် ရုန်းကန်လုံးပမ်းနေရခြင်း မရှိတော့ဘဲ ယဉ်ကျေးမှုနှင့် ဘာသာစကား အသစ်တို့ကို လေ့လာနိုင်ခဲ့ပါသည်။ အစပိုင်းတွင် နိုင်ငံရပ်ခြားသို့ ပြောင်းရွှေ့ခြင်းမှာ ကျွန်တော့်၏ လူနေမှု အဆင့်အတန်းကို အကောင်းဘက်သို့ ပြောင်းလဲသွားစေနိုင်မည် ဖြစ်သော်လည်း ကျွန်တော့်၏ အသက်မွေးဝမ်းကျောင်းကို ထိခိုက်သွားစေပြီး လက်ရှိ လုပ်ကိုင်နေသော လုပ်ငန်းအသိုင်းအဝိုင်းတွင်းမှ သွေဖီဝေးကွာသွားစေနိုင်မည်လားဟု စိုးရိမ်မိခဲ့ပါသည်။ သို့သော် ပညာရပ်ဆိုင်ရာ သင်ယူလေ့လာမှုများကို ကျွန်တော်တို့ အဆက်မပြတ်ဆက်လက် ပြုလုပ်နိုင်ရေးအပေါ် Dulwich College International အဖွဲ့အစည်း အနေဖြင့် အထူး အလေးပေးမှုရှိသောကြောင့် စိုးရိမ်ပူပင်မှုများ ပျောက်ကွယ်သွားခဲ့ရပါသည်။ ကျွန်တော် ဤအဖွဲ့အစည်းတွင် စတင်ရောက်ရှိ အလုပ်လုပ်စဉ်ကတည်းက လန်ဒန်ရှိ Institute of Education (ပညာရေးတက္ကသိုလ်) မှ ပညာရေးဆိုင်ရာ မဟာဘွဲ့ကို ရရှိထားပြီးဖြစ်ပါသည်။ ၂၀၁၂ ခုနှစ်တွင် လက်ထောက်ကျောင်းအုပ်ရာထူးသို့ တိုးမြှင့်ခန့်အပ်ခြင်း ခံခဲ့ရပြီး Dulwich College Seoul သို့ ပြောင်းရွှေ့ခဲ့ပါသည်။ ကျွန်တော်သည် Dulwich အဖွဲ့အစည်းတွင် နေသားကျပြီး ပျော်ရွှင်နေသည်ဖြစ်ရာ တခြားသို့ရွှေ့ပြောင်းလုပ်ကိုင်ရန်မှာ ခက်ခဲသော ဆုံးဖြတ်ချက်သာ ဖြစ်ပါလိမ့်မည်။

ကျောင်းရှိ ဆရာဆရာမများအကြား ဆက်ဆံရေးကို သင် မည်သို့ ထင်မြင်ပါသနည်း။ သင်သည် အခြား DCI  ကျောင်းများမှ လုပ်ဖော်ကိုင်ဖက်များနှင့် မည်သို့ ပူးပေါင်းဆောင်ရွက်ပါသနည်း။

ယခု Dulwich College Seoul ရှိ ဆရာဆရာမများမှာ ဖေးမကူညီတတ်သူများ၊ ဇွဲလုံ့လရှိသူများဖြစ်သကဲ့သို့ သင်ကြားရေးနှင့် ပတ်သက်လျှင် စိတ်ဓာတ်ပြင်းပြပြီး ဝါသနာကြီးသူများဖြစ်ကြောင်း ကျွန်တော် တွေ့ရှိခဲ့ရပါသည်။ ဝန်ထမ်းများ စိတ်ပူပင်နေကြသည့် အကြောင်းအရာများအနက် နမူနာအချို့အား ကျွန်တော် သိသလောက် ပြောရသော် ဖန်တီးနိုင်စွမ်းနှင့် စိန်ခေါ်မှုအခြေခံ သင်ယူလေ့လာရေးအား ကျောင်းသားကျောင်းသူများ လုပ်ဆောင်နိုင်စေရန် တိုက်တွန်းရာတွင် တာဝန်တစ်ရပ် သို့မဟုတ် နည်းဗျူဟာ အသစ်တစ်ရပ်ကြောင့် ဆရာဆရာမများအနေဖြင့် အလေးထား လုပ်ဆောင်နိုင်ခြင်းမရှိပဲ အာရုံထွေပြားမှု ဖြစ်သွားစေမည့် အကြောင်းပင်ဖြစ်သည်။ ၄င်းအချက်များမှာ ခေါင်းဆောင်တစ်ဦးအနေဖြင့် နားထောင်ပေးရန်နှင့် ပြန်လည်အကြံဥာဏ်ပေးရန်လိုအပ်သော အကြောင်းရပ်များ ဖြစ်ပါသည်။ ဤနေရာရှိ ဝန်ထမ်းများသည် လူမှုဆက်ဆံရေးကောင်းမွန် ကြပြီး ဆရာဆရာမများ နှစ်သက်ကြသည့် လုပ်ငန်းခွင်ပြင်ပ လှုပ်ရှားမှုများလည်း ရှိပါသည် – ကျွန်တော့်အနေဖြင့် မကြာမီကပင် လုပ်ဖော်ကိုင်ဖက်များနှင့်အတူ ဆိုးလ်မြို့တွင် ခြေလျင်အပျော်ခရီးထွက်ခြင်း၊ တောင်တက်ခြင်း စသည်တို့ကို လုပ်ဆောင်လျက်ရှိပါသည်။ ၎င်းသည် စိတ်ဖိစိခြင်းများဖြေဖျောက်ရန် နည်းလမ်းကောင်းတစ်ခု ဖြစ်ပါသည်။

ဤကျောင်းရှိ ကျောင်းသူကျောင်းသားများ၏ စိတ်ဝင်တစား ပါဝင်လုပ်ဆောင်မှုကို မည်သို့မြင်ပါသနည်း။

ဤကျောင်းရှိ ကျောင်းသားကျောင်းသူများသည် ကျောင်း၏ လှုပ်ရှားဆောင်ရွက်မှုများတွင် အလွန်တက်ကြွစွာ ပါဝင်လှုပ်ရှားကြပါသည်။ ကျောင်းသားကျောင်းသူများသည် ၎င်းတို့ဆရာ၊ ဆရာမများကဲ့သို့ပင် သင်ယူလေ့လာရေးအပေါ် စိတ်ထက်သန်မှုရှိကြပါသည်။ သို့သော်လည်း ၄င်းတို့အတွက် ဖန်တီးနိုင်စွမ်းရှိပြီး အံဝင်ခွင်ကျဖြစ်သော လုပ်ငန်းစဉ်များ၊ လှုပ်ရှားဆောင်ရွက်မှုများဖြင့် သင်ယူလေ့လာမှု ပြုနိုင်အောင် ဆောင်ရွက်ပေးရန်မှာလည်း အမြဲ လိုအပ်သော အရာဖြစ်ပါသည်။ ကျောင်းကောင်စီသည် ကျောင်း၏ ဆုံးဖြတ်ချက်ချမှတ်ရေးလုပ်ငန်းစဉ်များတွင် တက်ကြွစွာ ပါဝင်ဆောင်ရွက်လေ့ရှိသကဲ့သို့ ကျောင်းသားကျောင်းသူများအားလုံးကိုလည်း ပါဝင်ကြရန် နှိုးဆော်လေ့ရှိပါသည်။ အသစ်ရောက်ရှိလာသော ကျောင်းသားကျောင်းသူများ အတွက် အကျိုးရှိသော အတွေ့အကြုံများ ရရှိစေရေး အတွက် ဆောင်ရွက်ရာတွင်နှင့် လှူဒါန်းရေးလုပ်ငန်းများ လုပ်ဆောင်ရာတွင် ဦးစီးဦးဆောင် ပါဝင်လေ့ရှိပါသည်။

သင်သည် ကျောင်းသားမိဘများနှင့် မည်မျှချိတ်ဆက် ဆောင်ရွက်လေ့ ရှိပါသနည်း။

မိဘများသည် Friends of Dulwich ကော်မတီမှတစ်ဆင့် ထိရောက်သော သဘောထားတင်ပြမှုများ ပြုလုပ်နိုင်ပါသည်။ ၎င်းတို့အနေဖြင့်
Dulwich ပညာသင်ကျောင်းအား ရွေးချယ်ရခြင်း အကြောင်းရင်းမှာ မြင့်မားသော စံနှုန်းများကို မျှော်လင့်သောကြောင့်ဖြစ်ပြီး စဉ်ဆက်မပြတ်သော သင်ယူလေ့လာရေးအား လိုလားသောကြောင့်ဖြစ်သည်ဆိုသော အချက်ကို သတိပြုရန်မှာ အရေးကြီးပါသည်။ ယင်းအချက်မှာ ကျွန်တော် လန်ဒန်မြို့တွင် ရှိစဉ် တွေ့ကြုံခဲ့ရသည့် အတွေ့အကြုံနှင့် ကွာခြားလှပါသည်။ လန်ဒန်မြို့ရှိ အခြားကျောင်းတစ်ကျောင်းတွင် တာဝန်ထမ်းဆောင်ခဲ့စဉ်က မိဘအုပ်ထိန်းသူ စုံညီအစည်းအဝေးပွဲများသို့ တက်ရောက်ရန် မိဘအုပ်ထိန်းသူများကို လိုက်လံနှိုးဆော်မှု ပြုခဲ့ရပါသည်။ မိဘများသည် အဘက်ဘက်သောကိစ္စရပ်များတွင် ပံ့ပိုးကူညီကြပါသည်။ အထူးသဖြင့် ဆရာဆရာမများမှ ကျောင်းသား ကျောင်းသူများအတွက် စိတ်ရောကိုယ်ပါ နှစ်ပြီး အကောင်းဆုံး လုပ်ဆောင်ပေးနေသည်ကို ၄င်းတို့ မြင်တွေ့ရသည့် အခါမျိုးတွင် ၄င်းတို့ဘက်မှ အထူးပံ့ပိုးကူညီပေးကြပါသည်။ ကျွန်တော် ယခင်လုပ်ကိုင်ခဲ့သော လန်ဒန်မြို့ရှိ ကျောင်းများအနက် တစ်ကျောင်းတွင်မူ သင်ရိုးညွှန်းတမ်းဆိုင်ရာ ညနေခင်း အစည်းအဝေးသို့ မိဘအုပ်ထိန်းသူ အရေအတွက် အနည်းငယ်မျှပိုပြီး  တက်ရောက်ရေးအတွက်ပင် အတော်လေးကြိုးပမ်း လုပ်ဆောင်ခဲ့ရသော်လည်း ယခုဤနေရာတွင်မူ မိဘများ၏ ပူးပေါင်းပါဝင်မှုနှုန်းမှာ အလွန်မြင့်မားလှပါသည်။

သင်သည် သင်ရိုးပြင်ပ လှုပ်ရှားဆောင်ရွက်မှုများတွင် မည်သည့်အတိုင်းအတာထိ ပါဝင်လှုပ်ရှားဆောင်ရွက်ပါသနည်း။ မည်သည့် လှုပ်ရှားဆောင်ရွက်မှုများကို ပြုလုပ်လေ့ရှိပါသနည်း။

သင်ရိုးပြင်ပ လှုပ်ရှားဆောင်ရွက်မှုများမှာ ဤကျောင်းသည် ကွဲပြားထူးခြားသော အဖွဲ့အစည်းတစ်ခုဖြစ်ကြောင်း မိဘအုပ်ထိန်းသူများအနေဖြင့်                                                        ထင်မြင်လာစေသည့် အပိုင်းကဏ္ဍ တစ်ရပ်ပင်ဖြစ်ပါသည်။ ကျောင်းသားကျောင်းသူများအနေဖြင့် ပင်မ သင်ရိုးညွှန်းတမ်းမှ ပုံမှန် အားဖြင့် မရရှိနိုင်သည့် အတွေ့အကြုံအမျိုးမျိုးကို ကျောင်းဆင်းချိန်နောက်ပိုင်းတွင် ဆည်းပူးနိုင်အောင် ကျွန်တော်တို့မှ ဆောင်ရွက်ပေးလျက်ရှိပါသည်။ မြင်းစီးခြင်းမှသည် ဓာတ်ပုံရိုက်ခြင်းနှင့် စစ်တုရင် အဖွဲ့များ ဖွဲ့ခြင်းအထိ အမျိုးမျိုးသော လှုပ်ရှားမှုများကို ကျောင်းသားကျောင်းသူများ လုပ်ဆောင်နိုင်အောင် စီစဉ်ပေးထားပါသည်။ သက်ဆိုင်ရာ ဆရာဆရာမများ၏ စိတ်ပါဝင်စားမှုအလိုက် အခြေခံ၍ ECA အစီအစဉ်သစ်များ ပံ့ပိုးပေးနိုင်မည့် အခွင့်အရေးများအပြင် အားကစားကလပ်များစွာလည်း ရှိပါသည်။ ကလပ်တစ်ခုကို ဖွဲ့စည်းပြီးသည်နှင့် ကိုရီးယားနိုင်ငံရှိ အခြားကျောင်းများအပြင် ကိုးရီးယားပြင်ပရှိ အခြား Dulwich ကျောင်းများနှင့် ချိတ်ဆက်နိုင်မည့် အခွင့်အရေးလည်း ရှိပြီး ကျောင်းသူကျောင်းသားများ စိတ်ဝင်တစား ပါဝင်လုပ်ဆောင်မှုအား ပိုမိုမြှင့်တင်ပေးရန်အတွက် ပြိုင်ပွဲများနှင့် တွေ့ဆုံပွဲများလည်း ပြုလုပ်ပေးပါသည်။

သင်၏ စိတ်ကူးများကို ကျောင်းသို့တင်ပြနိုင်သည့် အခွင့်အရေး ရရှိပါသလား။

အပြည့်အဝ ရရှိပါသည်။ ယင်းအချက်မှာ ကျွန်တော့်အနေဖြင့် ဤပညာရေးအဖွဲ့အစည်းသို့ စဝင်လာစဉ်ကပင် တွေ့ရှိခဲ့ရသည့် ကောင်းကျိုးများအနက် တစ်ခုဖြစ်ပါသည်။ ကျောင်းသားကျောင်းသူများ၏ သင်ယူလေ့လာရေးဆိုင်ရာ အတွေ့အကြုံများနှင့် သင်ယူလေ့လာရေးတွင် ပျော်မွေ့မှုအား မြှင့်တင်ပေးမည့် ဆရာဆရာမများ၏ စိတ်ကူးစိတ်သန်းများကို အထူးအားပေးကြပါသည်။ ကျွန်တော်လက်တွဲလုပ်ကိုင်လျက်ရှိသော Dulwich ကျောင်းနှစ်ကျောင်းတွင် တွေ့ရှိရသည်မှာ စိတ်လှုပ်ရှားဖွယ်ရာ စိတ်ကူးသစ်များ စူးစမ်းရှာဖွေရာ၌ ကျရှုံးမှုသည့် မည်သည့်အခါမျှ အတားအဆီးမဖြစ်ခြင်း ဆိုသည့်အချက်ပင်ဖြစ်သည်။ တစ်ခါတစ်ရံတွင် အလုပ်မဖြစ်သည့် စိတ်ကူးများ ရှိနိုင်သော်လည်း အခြားဝန်ထမ်းများထံမှ တုံ့ပြန်(အကြံပေးမှု)များ ရရှိပြီး ယင်းအကြံပေးချက်များကို မိမိတို့အနေဖြင့် လက်ခံနားထောင်သည့်အခါဝယ် အလုပ်ဖြစ်သည်မှာ များပါသည်။

သင်သည် ဆိုးလ်မြို့တွင် နေထိုင်ရသည်ကို မည်သို့ထင်မြင်ပါသနည်း။

ကျောင်းမှ ဝန်ထမ်းများသည် ကိုရီးယားနိုင်ငံအား စူးစမ်းလေ့လာမှု ပြုနိုင်မည့် အခွင့်အရေးများကို ရှာဖွေရာတွင် အလွန်တက်ကြွလျက်ရှိကြပါသည်။ ကျွန်တော့်၏ အတွေ့အကြုံအရ နိုင်ငံရပ်ခြား၌ နေထိုင် ၊ လုပ်ကိုင်ရာတွင် ကြုံတွေ့နိုင်သည့် စိန်ခေါ်မှုများကို ရင်ဆိုင်ရန် ပြင်ဆင်ထားသော ဆရာဆရာမများမှာ များသောအားဖြင့် စိတ်သဘောထားပွင့်လင်းမှု ရှိကြပြီး အတွေ့အကြုံသစ်များကို ရယူရန် အသင့်ရှိကြပါသည်။ အလုပ်ချိန်ပြင်ပတွင် ကျောင်းဝန်ထမ်းများသည် တောင်တက်ခြင်း၊ ဆိုင်ကယ်စီးခြင်း၊ ခြေလျင် အပျော်ခရီးထွက်ခြင်း၊ နယ်မြေအသစ်များသို့ သွားလာခြင်းနှင့် လေဟုန်စီးခြင်း စသည်တို့ကို နှစ်ခြိုက်စွာ လုပ်ဆောင်ကြသည့် အပြင် သောကြာနေ့ညတိုင်းတွင် အပျော်သဘောအနေဖြင့် ဝိုင်းဖွဲ့စားသောက်ခြင်းကိုလည်း ပြုလုပ်တတ်ကြပါသည်။