ခံယူချက်

ကလေးတိုင်းသည် အောင်မြင်မှုကို ရရှိထိုက်သောသူများဖြစ်ကာ ကျွန်ုပ်တို့ ၏ ကျောင်းသားကျောင်းသူများ အောင်မြင်မှုရရှိရန် အပြည့်အဝ ကူညီပံ့ပိုးပေးရမည်မှာ ကျွန်ုပ်တို့ တာဝန်ဖြစ်ပါသည်။ စစ်မှန်သော ပျော်ရွှင်မှုနှင့် အနာဂတ်အောင်မြင်မှုဟူသည်မှာ အခြားသူများနှင့် အလားသဏ္ဍန်တူအောင် နေထိုင်ခြင်းမျိုးမဟုတ်ပဲ မိမိကိုယ်မိမိ အခြားသူများနှင့် ကွဲပြားခြားနားအောင် (သို့ မဟုတ်) ပိုမိုသာလွန်ကောင်းမွန်အောင် ကြိုးစားအားထုတ်ခြင်းနှင့် မိမိကိုယ်ကို ယုံကြည်မှုရှိခြင်းတို့အပေါ်တွင် မူတည်နေပါသည်။ အောင်မြင်မှုဟူသည် ပုံစံအမျိုးမျိုးနှင့်လာတတ်သည်ဟု ဆိုပါသည်။ သို့သော် အချို့သူများအတွက် သဘာဝအလျာက် ပင်ကိုပါရမီကြောင့် အောင်မြင်မှုရရှိတတ်သော်လည်း အခြားသူများအတွက် ကြိုးစားအားထုတ်မှုနှင့် ဇွဲနပဲကောင်းမှုမရှိပါက အောင်မြင်မှုအား ရရှိနိုင်မည် မဟုတ်ပါ။

ပညာရေး

ကလေးများအနေဖြင့် ၄င်းတို့ထင်ထားသည်ထက် ပို၍ အောင်မြင်အောင် ကြိုးစားနိုင်ရေးအတွက် စူးစမ်းလေ့လာရန်နှင့် စိန်ခေါ်မှုများကို ကိုယ်တိုင်ရင်ဆိုင်နိုင်ရန် ကလေးများ ငယ်ရွယ်စဉ်အချိန်မှပင် စ၍ တိုက်တွန်းအားပေးလျက်ရှိကာ စိတ်ကူးစိတ်သန်းကောင်းကောင်းဖြင့် သင်ယူလေ့လာမှု ပြုလုပ်နိုင်စေရန် ရည်ရွယ်ပါသည်။ အမှီအခိုကင်းမဲ့စွာ ရပ်တည်နိုင်ပြီး လူလားမြောက်ဖို့ရာ ပညာရေးအောင်မြင်မှုသည် အလွန်အရေးပါသော အရာဖြစ်ကြောင်း သိရှိနားလည်ပြီး မိမိတို့ကိုယ်ပိုင် ဆုံးဖြတ်ချက်များ ချမှတ်နိုင်အောင် ရဲရင့်မှုရှိပြီး ယုံကြည်မှုပြည့်ဝသည့် သင်ယူလေ့လာသူများဖြစ်လာစေရန် ကျွန်ုပ်တို့ ပြုစုပျိုးထောင်ပေးနေပါသည်။ ယင်းကဲ့သို့ အမှန်တကယ် အကောင်အထည်ပေါ်လာစေရန်မှာ ကျွန်ုပ်တို့ အဓိက ကြိုးပမ်းနေသည့်အရာဖြစ်ပါသည်။ ပြည့်စုံကုံလုံသော သင်ယူလေ့လာမှု အတွေ့အကြုံအမျိုးမျိုးအား ဖြည့်ဆည်းပေးနိုင်ပြီး လှုံ့ဆော်မှုကောင်းသော ပညာရေးဝန်းကျင်တစ်ခုကို ဖန်တီးပေးခြင်းဖြင့် မျှော်မှန်းထားသည်ထက်ပင် ပို၍ ကျွန်ုပ်တို့အနေဖြင့် လုပ်ဆောင်ပေးနေပါသည်။ ဤသည်မှာ ကျောင်းသားကျောင်းသူများနှင့် ထိုက်တန်သော အရာဖြစ်သည်ဟု ကျွန်ုပ်တို့ ခံယူထားပါသည်။

အခွင့်အရေးအား အမိအရ ဆုပ်ကိုင်ခြင်း

ကျွန်ုပ်တို့သည် သန္နိဌာန်ချမှတ် လုပ်ဆောင်ခြင်းမရှိပါက အောင်မြင်မှုရရှိမည် မဟုတ်ပါ။ ယင်းအသိအား ကျွန်ုပ်တို့ စိတ်တွင် စွဲမြဲနေအောင် မွေးမြူထားရန် လိုပါသည်။ ကလေးများသည် စွန့်စားမှုများ လုပ်ကြည့်သင့်ပြီး ဘဝတွင် နောက်တစ်ကြိမ် ထပ်လုပ်ဖြစ်မည် မဟုတ်သောအရာများကို ကျောင်းတွင် စမ်းကြည့်သင့်ပါသည်။ ၄င်းတို့သည် စမ်းသပ်နိုင်သမျှ အရာရာကို စမ်းသပ်ကြည့်သင့်ပြီး ကျရှုံးမည်ကို ကြောက်ရွံ့ခြင်း  အလျင်းမရှိပဲ ယင်းကျရှုံးမှုဆိုသည်မှာ သင်ယူခြင်းအတွက် အစွမ်းထက်သော ကိရိယာတစ်ခုဖြစ်သည်ကို လက်ခံနိုင်အောင် သင်ယူရပါမည်။

ညှိနှိုင်းသူ၊ ပါဝင်လှုပ်ရှားသူ နှင့် ခေါင်းဆောင်များ

ဆရာဆရာမများသည် နည်းပေးလမ်းပြသူများသာဖြစ်ပြီး ထိန်းချုပ်သူများ မဟုတ်ပါ။ ကျောင်းသားကျောင်းသူများအနေဖြင့် ၄င်းတို့ ဘာလုပ်နိုင်သည်ကို ပြသနိုင်မည့် လွတ်လပ်ခွင့်အား ကျွန်ုပ်တို့ မပေးပါက ၎င်းတို့၏ အရည်အသွေးများကို မည်သည့်အခါမျှ ၄င်းတို့ ရိပ်စားလာမည်မဟုတ်ပါ။ စမ်းသပ်လုပ်ဆောင်ကြည့်ရန်၊ အခြားသူများနှင့် ထိတွေ့ဆက်ဆံမှုရှိရန်နှင့် ရှုံးနိမ့်ခြင်းအတွက် ပြင်ဆင်ထားရန် ကျွန်ုပ်တို့အနေဖြင့် ၄င်းတို့အား တိုက်တွန်းအားပေးသင့်သည်။ အသင်းအဖွဲ့၏ အရေးပါပုံကို သိရှိနားလည်သော၊ အားပေးမြှင့်တင်သော၊ ခံနိုင်ရည်ရှိသော ခေါင်းဆောင်များကို ကျွန်ုပ်တို့ မွေးထုတ်ပေးနေမည် ဖြစ်ပါသည်။

ကြည်ညိုလေးစားမှု

ကျွန်ုပ်တို့သည် မိမိဘက်မှ စမပြောမီ နားထောင်ပေးရပါမည်။ ကျွန်ုပ်တို့ ပတ်ဝန်းကျင်ရှိ အခြားသူများ၊ မတူညီသော စံနှုန်းနှင့်တန်ဖိုးခံယူချက်ရှိသူများ ၊ ကြွယ်ဝသော ယဉ်ကျေးမှုနောက်ခံဇစ်မြစ် အမျိုးမျိုး ရှိသူများထံမှ သင်ယူစရာများ ကျွန်ုပ်တို့အတွက် များစွာရှိပါသည်။ ဘဝဆိုသည်မှာ လူများနှင့် သက်ဆိုင်သော အကြောင်းအရာဖြစ်ပါသည်။ စနစ်များဆိုသည်မှာ ဒုတိယနေရာတွင်သာ ရှိရမည်ဖြစ်ပြီး ၎င်းစနစ်တို့ကို အသုံးပြုနေသည့် လူပုဂ္ဂိုလ်များနှင့် သဟဇာတရှိရမည် ဖြစ်သည်။ မိဘအုပ်ထိန်းသူများသည် ၎င်းတို့သားသမီးများကို ကျွန်ုပ်တို့ သိရှိထားသည်ထက် ပို၍ သိရှိသောသူများ ဖြစ်ကြောင်းကို ကျွန်ုပ်တို့ အမြဲအမှတ်ရနေမည်ဖြစ်ပါသည်။ ကျွန်ုပ်တို့သည် မိဘအုပ်ထိန်းသူများမှ ၎င်းတို့သားသမီးများအကြောင်း ဆွေးနွေးမှုများကို ပြုလာခဲ့သည်ရှိသော် ဂရုတစိုက်နားထောင်ပေးပါမည်။ ကျောင်းသားကျောင်းသူ အများစုတွင် တစ်ဦးချင်းအလိုက် လိုအပ်ချက်များ ရှိနေနိုင်ပြီး ယင်းတွင် ထူးချွန်ထက်မြက်သော ကျောင်းသားကျောင်းသူများပင် အပါအဝင်ဖြစ်ပါသည်။ ယင်းကိစ္စမှာ အရှက်ရစရာ မဟုတ်ပေ။

ဝိဇ္ဇာဘာသာရပ်များ

ခံစားမှုရသများအား ထုတ်ဖော်တတ်ခြင်းနှင့် ပင်ကိုယ်စရိုက်တို့သည် အနုပညာမှတဆင့် ပေါ်လွင်လာသည်ဖြစ်သောကြောင့် ကျွန်ုပ်တို့သည် ဤပညာရပ် သင်ယူခြင်းကို အားပေးထောက်ခံပြီး တန်ဖိုးထားပါသည်။ အထူးသဖြင့် ပြဇာတ်ပညာရပ်မှာ သင်ရိုးညွှန်းတမ်း၏ မရှိမဖြစ်အရေးပါသော အစိတ်အပိုင်းတစ်ရပ်ဖြစ်ပါသည်။ ပြဇာတ်ပညာရပ်သည် အခြားသူများအား နားလည် လက်ခံတတ်လာစေရန် သင်ကြားပေးသည့်အပြင် အသင်းအဖွဲ့၏ အရေးပါပုံနှင့် မိမိ၏လက်ရှိအခြေအနေကို နားလည်လက်ခံနိုင်ရန်အတွက်လည်း သင်ကြားပေးပါသည်။ အဓိကအားဖြင့် စင်ပေါ်တွင် အချက်လက်များရှင်းလင်းတင်ပြခြင်း၊ဖျော်ဖြေတင်ဆက်ခြင်း၊ အငြင်းပွားမှုနှင့် စိတ်ခံစားချက်လွန်ကဲမှုတို့ကို ထိန်းချုပ်ဖြေရှင်းခြင်း စသည်တို့ ကဲ့သို့ စိတ်ဖိစီးစရာ ကိုယ်ရေးကိုယ်တာ ပြဿနာများကို ကိုင်တွယ်ဖြေရှင်းရာတွင်လည်း ပြဇာတ်ဘာသာရပ်သည် မိမိကိုယ်ကို ယုံကြည်မှုကို ရရှိစေနိုင်ပါသည်။

ဖန်တီးနိုင်စွမ်းရည်

ဖန်တီးနိုင်စွမ်းဟူသည် အဖိုးတန် အရည်အသွေးတစ်ခုဖြစ်ပြီး ကျွန်ုပ်တို့သည် ၎င်းအရည်အသွေးကို မည်သည့်အခါမျှ ချိုးနှိမ်ဖိနှိပ်ထားမည် မဟုတ်ပါ။ ကျွန်ုပ်တို့သည် ကလေးများ၏ မွေးရာပါ စူးစမ်းလိုစိတ်ကို ဆက်လက်ရှင်သန်နေစေရန် ထိန်းကျောင်းပေးသွားမည်ဖြစ်ပြီး မဖြစ်နိုင်သည့် အရာများထက် ဖြစ်နိုင်သည့်အရာများကိုသာ စဉ်းစားရန် မိမိတို့ကိုယ်တိုင်နှင့် အခြားသူများအား တိုက်တွန်းအားပေးလျက်ရှိပါသည်။

ဘဝ ကို ပြောင်းလဲစေသူများ

စာသင်ခန်းတွင်း အောင်မြင်မှုသည် ကျွန်ုပ်တို့အား နောက်တစ်ဆင့်သို့ တက်လှမ်းနိုင်စေပါသည်။ စာသင်ခန်းပြင်ပ၌ လုပ်ဆောင်သောအရာများမှာ ကျွန်ုပ်တို့၏ ဘဝများကို ပုံဖော်ပေးပါသည်။ ကျွန်ုပ်တို့ ကျောင်းတက်စဉ်အချိန်တွင် ကြုံတွေ့ခဲ့ရသော စိတ်လှုပ်ရှားပျော်ရွှင်မှုများနှင့် စရိုက်လက္ခဏာများသည် ကျွန်ုပ်တို့အဖို့ အမှတ်ရစရာများ ဖြစ်ပါသည်။ ကျွန်ုပ်တို့ ၏ ဖြစ်တည်မှု၊ လုပ်ဆောင်မှုနှင့် အခြားသူများအပေါ် ဆက်ဆံပုံတို့အလိုက် မူတည်ပြီး ကျွန်ုပ်တို့သည် စံပြ ပုဂ္ဂိုလ်ကောင်းများ ဖြစ်လာပါမည်။

ကျွန်ုပ်တို့၏ တာဝန်ဝတ္တရားများ

ကျွန်ုပ်တို့၏ တာဝန်ဝတ္တရားဆိုသည်မှာ အလုပ်သက်သက်မဟုတ်၊ ကျောင်းသားကျောင်းသူများ၏ ဘဝဖြစ်သည်ကို ကျွန်ုပ်တို့အနေဖြင့် အမြဲ မှတ်သားထားပါမည်။ ကျွန်ုပ်တို့သည် အခွင့်အလမ်းများ ဖန်တီးပေးရန်၊ အခွင့်အလမ်းတံခါးပေါက်များ ဖွင့်ပေးရန်နှင့် ကမ္ဘာကြီးနှင့် ချိတ်ဆက်နိုင်ဖို့ရာ ပေါင်းကူးတံတားများ ဆောက်ပေးရန် စသည်တို့အတွက် ရှိနေခြင်း ဖြစ်ပါသည်။